ఆస్పత్రి బిల్లు కట్టలేదని మంచానికి కట్టేశారు!
close

తాజా వార్తలు

Published : 07/06/2020 17:57 IST
Facebook Share Twitter Share WhatsApp Share Telegram Share Link Share

ఆస్పత్రి బిల్లు కట్టలేదని మంచానికి కట్టేశారు!

భోపాల్‌ (మధ్యప్రదేశ్‌): ఆస్పత్రి బిల్లు కట్టలేదన్న కారణంతో ఓ పెద్దాయనను మంచానికి తాళ్లతో కట్టేశారు ఆస్పత్రి సిబ్బంది. ఈ అమానవీయ ఘటన మధ్యప్రదేశ్‌లో చోటుచేసుకుంది. దీనిపై ఆ రాష్ట్ర ముఖ్యమంత్రి శివరాజ్‌ సింగ్‌ చౌహాన్‌ విచారణకు ఆదేశించారు.

ఇక్కడి షాజాపూర్‌లోని ఓ ఆస్పత్రిలో ఇటీవలే అనారోగ్యంతో ఓ పెద్దాయన చేరారు. తొలుత చికిత్స కోసం డిపాజిట్‌గా రూ.5వేలు కట్టామని రోగి కుమార్తె తెలిపారు. అయితే, అనుకున్నదాని కంటే ఆస్పత్రిలో ఎక్కువ రోజులు ఉండాల్సి రావడంతో బిల్లు పెరిగిందని చెప్పారు. ఆ స్థోమతకు తమకు లేదని వాపోయారు. రూ.11 వేలు బిల్లు చెల్లించలేదన్న కారణంతో తన తండ్రిని ఇలా మంచానికి కట్టేశారని కుమార్తె తెలిపారు.

అయితే, ఆస్పత్రి వర్గాల వాదన మరోలా ఉంది. అతడికి మూర్చ వ్యాధి ఉందని, అందుకే మంచానికి కట్టేశామని చెప్పుకొచ్చారు. అంతేకాదు మానవతా దృక్పథంతో అతడి ఆస్పత్రి ఫీజును కూడా పూర్తిగా రద్దు చేశామని తెలిపారు. ఈ ఘటనపై ముఖ్యమంత్రి శివరాజ్‌సింగ్‌ చౌహాన్‌ స్పందించారు. షాజాపూర్‌ ఘటన తన దృష్టికి వచ్చిందని, రోగి పట్ల క్రూరంగా వ్యవహరించిన వారిపై కఠిన చర్యలు ఉంటాయని హెచ్చరించారు. దీనిపై విచారణకు ఆదేశించినట్లు తెలిపారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని