close

తాజా వార్తలు

ఈ వీడియోను అందరూ చూడండి

  ట్విటర్‌లో ఉంచిన రతన్‌టాటా
  పారిశుద్ధ్య కార్మికుల జీవితాలపై భావోద్వేగ స్పందన

ఈనాడు, హైదరాబాద్‌: ప్రముఖ పారిశ్రామికవేత్త రతన్‌ టాటా పారిశుద్ధ్యం ప్రాముఖ్యతను చాటారు. పారిశుద్ధ్య కార్మికులు క్లిష్ట పరిస్థితుల్లో పనిచేస్తున్నారంటూ ఓ విద్యార్థి తన పాఠశాలలో చెప్పిన కవితకు సంబంధించిన వీడియోను ఆయన ట్విటర్‌లో ఉంచారు. ఈ వీడియోను జత చేస్తూ రతన్‌ టాటా పారిశుద్ధ్య కార్మికుల స్థితిగతులను వివరిస్తూ వారిపై భారం తగ్గించేందుకు తాము చేస్తున్న కృషిని వివరించారు.

‘‘ముంబయిలో ప్రతిరోజూ 50,000 మంది పారిశుద్ధ్య కార్మికులు క్లిష్ట పరిస్థితుల్లో పనిచేస్తున్నారు. మిషన్‌ గరిమ ద్వారా కష్టపడి పనిచేసే వారిపై భారం తగ్గించడం, సురక్షితం పరిశుభ్రమైన, మానవీయ వాతావరణాన్ని కల్పించడానికి ‘టూబిన్స్‌ లైఫ్‌ విన్స్‌’ నినాదంతో టాటా ట్రస్టు కృషి చేస్తోంది’’ అని పేర్కొన్నారు.


రతన్‌టాటా జత చేసిన వీడియో సారాంశం
నా తండ్రి దేశాన్ని నడిపిస్తాడు..

ఆయన నాయకుడు కాదు.. అయినా దేశాన్ని దౌడు తీయిస్తాడు
ఆయన వైద్యుడు కాదు
అయినా వ్యాధులను దూరం చేస్తాడు
ఆయన పోలీసు కాదు
అయినా చెడును అడ్డుకుంటాడు
ఆయన సైనికుడు కాదు
అయినా దేశంలోని దుష్ట శక్తులను పారదోలుతాడు
నా తండ్రి పనికి పోకపోతే.. దేశంలోని ఏ ఇల్లు సరిగా నడవదు
వంట కూడా వండుకోరు.. స్నానాలూ చేయరు..
వీధుల్లో క్రిమికీటకాలు రాజ్యమేలుతాయి
పిల్లలైతే పాఠశాలలకే వెళ్లరు
ఆసుపత్రుల్లో వైద్యులుండరు
మంత్రులు పార్లమెంటుకు చేరుకోలేరు
మొత్తం దేశం స్తంభించిపోతుంది
నా తండ్రి దేశ జీవనాన్ని సులభం చేస్తాడు
నా తండ్రి మాదిరి పనిని ఏఒక్కరూ చేయాలనుకోరు
తడి, పొడి చెత్తను దేశంలో ఎవరూ వేరు చేయడం లేదు

 

నా తండ్రి మురుగునీటిలో మునిగి చెత్తను బయటికి తీస్తున్నాడు
ఆయన పని నుంచి బయటికి వచ్చినప్పుడు తరచూ
జబ్బు పడినట్లు కనిపిస్తాడు
కొన్నిసార్లు ఆయన ఈ జబ్బులతో చనిపోతారనుకుంటాను
కొన్నిసార్లు ఆయన మళ్లీ ఇంటికి రారనుకుంటాను
దేశాన్ని నా తండ్రి ఒంటరిగా నడిపే పరిస్థితి వద్దు
ఎందుకంటే దేశం మనలోని ప్రతి ఒక్కరితో నడుస్తోంది.

 


పారిశుద్ధ్యం ప్రతి ఒక్కరి బాధ్యత. వ్యర్థాలను వేరు చేస్తున్న కార్మికులకు సాయం చేద్దాం. తడి, పొడి చెత్తను వేరు చేయాలి. శ్రమ గౌరవాన్ని గుర్తించాలి. ముంబయిలోని పారిశుద్ధ్య కార్మికుల స్థితిగతులపై ప్రముఖ పారిశ్రామికవేత్త రతన్‌టాటా తమ ట్విటర్‌లో ఉంచిన వీడియోను అందరూ తిలకించాలి.

-రతన్‌ టాటా వీడియోను జతచేస్తూ ట్విటర్‌లో మంత్రి కేటీఆర్‌


Tags :

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.