Lockdown: లాక్‌డౌన్‌ ఎత్తేయాలంటూ వీధుల్లోకి.. 250మంది అరెస్టు

తాజా వార్తలు

Updated : 21/08/2021 19:20 IST

Lockdown: లాక్‌డౌన్‌ ఎత్తేయాలంటూ వీధుల్లోకి.. 250మంది అరెస్టు

మెల్‌బోర్న్‌: కరోనా కట్టడికి ప్రభుత్వం విధించిన లాక్‌డౌన్‌ను ఎత్తివేయాలంటూ ఆస్ట్రేలియాలో పెద్ద ఎత్తున నిరసనలు వెల్లువెత్తుతున్నాయి. దేశంలోని పలు నగరాల్లో శనివారం నిరసనకారులు రోడ్లపైకి వచ్చి ఆందోళనకు దిగారు.  మెల్‌బోర్న్‌లో హింసాత్మక ఘటనలు చోటుచేసుకున్నాయి. వేలాదిగా రోడ్లపైకి వచ్చిన ఆందోళనకారులను అడ్డుకొనేందుకు పోలీసులు బారికేడ్లను ఏర్పాటు చేయగా.. వాటిని దాటుకొని ముందుకెళ్లేందుకు ప్రయత్నించారు. ఈ క్రమంలో పోలీసులు నిరసనకారులపై పెప్పర్‌ స్ప్రే చల్లారు. దీంతో ఇరు వర్గాల మధ్య ఘర్షణ చోటుచేసుకుంది. ఈ ఘటనలో ఏడుగురు పోలీసులు సైతం గాయపడ్డారు. 

మరోవైపు, ఈ ఘటనల్లో ఆస్ట్రేలియాలోని పలు నగరాల్లో దాదాపు 250 మందికి పైగా ఆందోళనకారులను అరెస్టు చేసినట్టు అధికారులు వెల్లడించారు. ఇప్పటికే రెండు మాసాలుగా సిడ్నీలో లాక్‌డౌన్‌ కొనసాగుతుండగా.. కరోనా కేసులు పెరుగుతుండటంతో మెల్‌బోర్న్‌, కాన్‌బెర్రా నగరాల్లో ఈ నెల ప్రారంభంలోనే ఆంక్షలు విధించారు. దీంతో ప్రజలు ఇళ్లకే పరిమితం కావడంతో పాటు సామాజిక కార్యక్రమాలకు దూరంగా ఉండాలంటూ నిబంధనలు విధించారు. దీంతో లాక్‌డౌన్‌ను విరమించాలని నిరసనకారులు డిమాండ్‌ చేస్తుండగా..   కరోనా వైరస్‌ వ్యాప్తిని అదుపుచేసి ప్రజల ప్రాణాల్ని కాపాడాల్సిన అవసరం ఉందని అధికారులు పేర్కొంటున్నారు.



Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని