ఫిక్కీకి రూ.20లక్షల జరిమానా

తాజా వార్తలు

Published : 10/10/2020 17:57 IST

ఫిక్కీకి రూ.20లక్షల జరిమానా

దిల్లీ: ఫెడరేషన్‌ ఆఫ్‌ ఇండియన్‌ ఛాంబర్‌ ఆఫ్‌ కామర్స్‌ అండ్‌ ఇండస్ట్రీ (ఫిక్కీ)కి దిల్లీ ప్రభుత్వం భారీ జరిమానా విధించింది. తాన్‌సేన్‌‌ మార్గ్‌లోని భవనం కూల్చివేత ప్రదేశంలో ధూళి నియంత్రణ ప్రమాణాలను ఉల్లంఘిస్తున్నారని పేర్కొంటూ రూ.20లక్షల జరిమానా వేసింది. పర్యావరణ పరిహారాన్ని 15 రోజుల్లోపు డిపాజిట్‌ చేయాలని ఆదేశించింది. ప్రాజెక్టు సైట్‌ల వద్ద యాంటీ స్మాగ్‌ గన్‌ ఏర్పాటు చేయకుండా కూల్చివేత పనులు పునః ప్రారంభించడం గానీ, కొత్త నిర్మాణాలు చేపట్టడం గానీ చేయరాదని ప్రభుత్వం తెలిపింది.

దేశ రాజధాని నగరంలో 20వేల చదరపు మీటర్ల కంటే పెద్ద నిర్మాణాలు, కూల్చివేతలు జరుగుతున్న ప్రదేశాల్లో యాంటీ స్మాగ్‌ గన్‌లు ఏర్పాటు తప్పనిసరి చేస్తూ ప్రభుత్వం మార్గదర్శకాల్లో పేర్కొంది. ప్రస్తుతం దిల్లీలో ఇలాంటి ప్రదేశాలు 39 వరకు ఉన్నాయని, వీటిలో ఆరు ప్రదేశాల్లో యాంటీ- స్మాగ్‌ గన్‌లు ఏర్పాటు చేయకపోవడంతో పనులు నిలిపివేయాలని ఆదేశించినట్టు దిల్లీ పర్యావరణశాఖ మంత్రి గోపాల్‌ రాయ్‌ తెలిపారు. ఫిక్కీ క్యాంపస్‌ వద్ద తీవ్రమైన ఉల్లంఘనలకు పాల్పడినట్టు గుర్తించామన్నారు. పనులు నిలిపివేయాలని ఆదేశించామన్నారు. దుమ్ము, ధూళి నియంత్రణ ఉల్లంఘనలకు పాల్పడిన వారెవరైనా వదిలిపెట్టేది లేదని, కాంట్రాక్టర్లపై చట్టపరమైన చర్యలు తీసుకుంటామని ఆయన హెచ్చరించారు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని