close

తాజా వార్తలు

Published : 04/12/2020 13:14 IST
Facebook Share Twitter Share WhatsApp Share Telegram Share

చైనా-భారత్‌ ఉద్రిక్తతల నివారణకు ఇదే మార్గం..

దిల్లీ: ద్వైపాక్షిక ఒప్పందాలకు కట్టుబడి ఉండకపోవటమే ప్రస్తుతం భారత్‌-చైనాల మధ్య కొనసాగుతున్న ఉద్రిక్తతలకు ముఖ్య కారణమని భారత్‌ స్పష్టం చేసింది. వాస్తవాధీన రేఖ వెంబడి శాంతిని నెలకొల్పేందుకు ఇరుదేశాల మధ్య జరిగిన ఒప్పందాలు, దౌత్య నియమాలను పాటించడమే మార్గమని భారత్‌ ప్రకటించింది.

అగ్రరాజ్యానికి చెందిన యూఎస్‌-చైనా ఎకనమిక్‌ అండ్‌ సెక్యూరిటీ రివ్యూ కమిషన్‌ వెలువరించిన తాజా వార్షిక నివేదిక.. గాల్వన్‌ లోయ ఘటన చైనా ముందస్తు ప్రణాళిక ప్రకారమే చోటుచేసుకుందని తెలిపింది. తూర్పు లద్దాఖ్‌లోని 17 వేల అడుగుల ఎత్తయిన గాల్వన్‌ లోయలో చోటుచేసుకున్న ఈ ఘటనలో.. ఇరవై మంది భారతీయ సైనికులు అమరులయ్యారు. కాగా, తమ వైపు జరిగిన ప్రాణ నష్టం గురించిన వివరాలను చైనా స్పష్టంగా వెల్లడించలేదు.

ఈ విషయమై మీడియా సమావేశంలో భారత విదేశీ వ్యవహారాల శాఖ అధికార ప్రతినిధి అనురాగ్‌ శ్రీవాత్సవ స్పందించారు. భారత్‌-చైనా సరిహద్దుల వద్ద ఉద్రిక్తతలను చక్కదిద్దేందుకు ఇరుదేశాలు 1993, 1996 ఒప్పందాలతో సహా అన్ని ఒప్పందాలను, ప్రోటోకాల్స్‌ను పాటించటం అత్యవసరం అని నొక్కి చెప్పారు.


Tags :

జాతీయ-అంతర్జాతీయ

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జిల్లా వార్తలు

చిత్ర వార్తలు

సినిమా
మరిన్ని

దేవతార్చన