Agriculture Budget: తమిళనాడులో వ్యవసాయానికి ప్రత్యేక బడ్జెట్‌

తాజా వార్తలు

Updated : 14/08/2021 19:20 IST

Agriculture Budget: తమిళనాడులో వ్యవసాయానికి ప్రత్యేక బడ్జెట్‌

తమిళనాడు అసెంబ్లీలో ప్రవేశపెట్టిన డీఎంకే ప్రభుత్వం

చెన్నై: తమిళనాడులో తొలిసారి వ్యవసాయ రంగానికి ప్రత్యేక బడ్జెట్ ప్రవేశపెట్టారు. ఎన్నికల్లో ఇచ్చిన హామీ మేరకు డీఎంకే ప్రభుత్వం శనివారం అసెంబ్లీలో దీన్ని సమర్పించింది. ఇందులో భాగంగా 2021-22 ఆర్థిక సంవత్సరానికిగానూ రూ.34,220.65 కోట్లు కేటాయించింది. వ్యవసాయంతోపాటు పశుసంవర్ధక, మత్స్య, పాడి పరిశ్రమ, నీటిపారుదల, గ్రామీణాభివృద్ధి, పట్టుపురుగుల పెంపకం తదితర అనుబంధ రంగాలకు ఈ మొత్తాన్ని ఖర్చు చేయనుంది. రాష్ట్ర వ్యవసాయశాఖ మంత్రి ఎంఆర్‌కే పన్నీర్‌సెల్వం బడ్జెట్‌ సమర్పిస్తూ మాట్లాడారు. రైతులు, నిపుణుల అభిప్రాయాలను పరిగణనలోకి తీసుకుని ఈ పద్దును రూపొందించినట్లు  తెలిపారు. ఇది కర్షకుల ఆకాంక్షలకు ప్రతీక.. వారి కల అని పేర్కొన్నారు.

ఆయా ప్రధానాంశాలు

* పొలాల్లో విద్యుత్‌ మోటర్లకు ఉచితంగా కరెంటు సరఫరా కోసం తమిళనాడు విద్యుత్‌ ఉత్పత్తి, సరఫరా కార్పొరేషన్‌కు రూ.4508.23 కోట్లు కేటాయింపు

* వ్యవసాయ సంబంధిత పరిశ్రమల ప్రోత్సాహానికి కావేరి డెల్టా ప్రాంతాన్ని ‘వ్యవసాయ పారిశ్రామిక కారిడార్‌’గా ప్రకటన.

* రాష్ట్రవ్యాప్తంగా 12,524 గ్రామాల్లో వ్యవసాయాభివృద్ధి, స్వయం సమృద్ధి సాధనకు రూ.1,245.45 కోట్లతో ప్రత్యేక పథకం అమలు. ఈ ఏడాది తొలుత 2500 గ్రామాల్లో శ్రీకారం.

* వర్షాధార సాగు రైతుల ఆదాయాన్ని పెంచేందుకు మూడు లక్షల హెక్టార్లలో ‘ముఖ్యమంత్రి మెట్టభూముల అభివృద్ధి మిషన్’ అమలు.

* సేంద్రియ సాగుకు ప్రోత్సాహం దిశగా ‘సేంద్రియ వ్యవసాయ అభివృద్ధి పథకం’ అమలుకు రూ.33.03 కోట్లు కేటాయింపు.


Advertisement

Tags :

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని