మర్కజ్‌ వెళ్లిన వారందరికీ పరీక్షలు: కేజ్రీవాల్‌

తాజా వార్తలు

Published : 02/04/2020 21:24 IST

మర్కజ్‌ వెళ్లిన వారందరికీ పరీక్షలు: కేజ్రీవాల్‌

దిల్లీ: దేశ రాజధానిలో కరోనా వైరస్‌ పాజిటివ్‌ కేసుల సంఖ్య రానున్న రోజుల్లో మరిన్ని పెరిగే అవకాశం ఉందని దిల్లీ ముఖ్యమంత్రి కేజ్రీవాల్‌ అన్నారు. అందుకే నిజాముద్దీన్‌ మర్కజ్‌ వెళ్లొచ్చిన వారందరికీ పరీక్షలు నిర్వహించాలని నిర్ణయించినట్లు వెల్లడించారు. మర్కజ్‌ నుంచి వచ్చిన వాళ్లలో ఇద్దరు మరణించినట్లు తెలిపారు. దీంతో ఇప్పటి వరకు మరణించిన వారి సంఖ్య నాలుగుకు చేరిందని గురువారం నిర్వహించిన డిజిటల్‌ ప్రెస్‌మీట్‌లో ఆయన వివరాలు వెల్లడించారు.

మర్కజ్‌ నుంచి మొత్తం 2,346 మందిని ఖాళీ చేయించగా.. అందులో 108 మందికి కరోనా పాజిటివ్‌ తేలినట్లు కేజ్రీవాల్‌ వెల్లడించారు. ఈ నేపథ్యంలో కరోనా కేసులు రానున్న రోజుల్లో పెరగనున్నాయని, మర్కజ్‌కు వెళ్లొచ్చిన వారందరికీ పరీక్షలు నిర్వహించాలని నిర్ణయించినట్లు చెప్పారు. దిల్లీలో 208 పాజిటివ్‌ కేసులు ఉన్నాయని,  ఆరుగురు డిశ్చార్జి అవ్వగా.. మిగిలిన వారు చికిత్స పొందుతున్నారని తెలిపారు. వారి ఆరోగ్యం నిలకడగా ఉందన్నారు. మర్కజ్‌ వెళ్లి వచ్చిన 1810 మందితో పాటు మొత్తం 2,943 మంది క్వారంటైన్లో ఉన్నారని తెలిపారు. మరో 21 వేల మంది సెల్ఫ్‌ క్వారంటైన్‌లో ఉన్నారని చెప్పారు. లాక్‌డౌన్‌ నేపథ్యంలో ఆటో రిక్షా, గ్రామీణ్‌ సేవా, ఈ-రిక్షా డ్రైవర్లకు రూ.5వేలు ఆర్థిక సాయం ఇవ్వనున్నట్లు కేజ్రీవాల్‌ ప్రకటించారు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని