Antibodies: 7 నెలల తర్వాత కూడా తగ్గని యాంటీబాడీలు 

తాజా వార్తలు

Updated : 07/08/2021 11:28 IST

Antibodies: 7 నెలల తర్వాత కూడా తగ్గని యాంటీబాడీలు 

లండన్‌: కొవిడ్‌-19 నుంచి కోలుకున్నవారిలో యాంటీబాడీలు ఏడు నెలల తర్వాత కూడా స్థిరంగా కొనసాగుతున్నట్లు శాస్త్రవేత్తలు తేల్చారు. కొంతమందిలో అవి పెరగడాన్నీ గమనించామన్నారు. సాధారణ జలుబును కలిగించే కరోనా వైరస్‌లను లక్ష్యంగా చేసుకొనే యాంటీబాడీలు కలిగి ఉన్నవారికీ..కొవిడ్‌ నుంచి రక్షణ లభించొచ్చని తెలిపారు. స్పెయిన్‌లోని బార్సిలోనా ఇన్‌స్టిట్యూట్‌ ఫర్‌ గ్లోబల్‌ హెల్త్‌ శాస్త్రవేత్తలు ఈ పరిశోధన చేశారు.

కరోనా  పరిణామక్రమాన్ని అంచనావేసి, దాన్ని ఎదుర్కోవడానికి సమర్థ వ్యూహాలు అవసరం. ఇందులోభాగంగా.. కొవిడ్‌ కారక సార్స్‌-కోవ్‌-2 వైరస్‌ను ఎదుర్కొనే రోగనిరోధక శక్తి ఎంత కాలం కొనసాగుతుందన్నది గుర్తించడం కీలకమని శాస్త్రవేత్తలు తెలిపారు. ఇందుకోసం వారు.. గతేడాది మార్చి నుంచి అక్టోబరు మధ్య 578 మంది ఆరోగ్య పరిరక్షణ సిబ్బంది నుంచి నాలుగు భిన్న సమయాల్లో రక్త నమూనాలు సేకరించి, పరిశీలించారు. కరోనాలోని ఆరు భిన్న భాగాలపై పనిచేసే ఐజీఏ, ఐజీఎం, ఐజీజీ యాంటీబాడీల స్థాయిని కొలిచారు. కరోనాలోని న్యూక్లియోక్యాప్సిడ్‌ను లక్ష్యంగా చేసుకునే ఐజీఎం, ఐజీజీ యాంటీబాడీలు మినహా.. మిగతా ఐజీజీ యాంటీబాడీలు స్థిరంగా కొన్ని నెలల పాటు కొనసాగినట్లు తేల్చారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని