Lockdown: బ్రిటన్‌కు ‘డెల్టా’ వేరియంట్‌ కష్టాలు!
close

తాజా వార్తలు

Published : 13/06/2021 14:04 IST

Lockdown: బ్రిటన్‌కు ‘డెల్టా’ వేరియంట్‌ కష్టాలు!

లండన్‌: భారత్‌లో తొలుత వెలుగులోకి వచ్చిన డెల్టా వేరియంట్‌పై బ్రిటన్‌ ప్రధాని బోరిస్‌ జాన్సన్‌ తీవ్ర ఆందోళన వ్యక్తం చేశారు. ఈ కొత్త వేరియంట్‌ మూలంగా.. మహమ్మారి కట్టడికి ఆ దేశంలో విధించిన లాక్‌డౌన్ ఎత్తివేతను వాయిదా వేయాల్సి రావొచ్చని సంకేతాలు ఇచ్చారు.

భారీ ఎత్తున చేపట్టిన వ్యాక్సినేషన్‌ కార్యక్రమం సత్ఫలితాలివ్వడంతో త్వరలోనే బ్రిటన్‌లో సాధారణ పరిస్థితులు నెలకొనవచ్చని అంతా భావించారు. ఆ దిశగా ప్రభుత్వం లాక్‌డౌన్‌ ఆంక్షలు క్రమంగా సడలించాలని యోచిస్తోంది. కానీ, వేగంగా వ్యాపిస్తున్న డెల్టా వేరియంట్‌.. బోరిస్‌ జాన్సన్‌ ప్రభుత్వాన్ని గందరగోళంలో పడేసింది. లాక్‌డౌన్‌ను మరో నాలుగు వారాల పాటు పొడిగించాలని భావిస్తున్నట్లు సమాచారం. అంటే జులై 19 వరకు బ్రిటన్‌లో కఠిన ఆంక్షలు కొనసాగే అవకాశం ఉంది.

తుది నిర్ణయం తీసుకోవడానికి ముందు అధికారులు సమాచారాన్ని పూర్తి స్థాయిలో అధ్యయనం చేయనున్నారని బోరిస్‌ జాన్సన్‌ తెలిపారు. అయితే, మే చివరలో ఉన్న పరిస్థితులు ఇప్పుడు లేకపోవడంతో దాదాపు లాక్‌డౌన్‌ పొడిగింపు నిర్ణయమే వెలువడే అవకాశం ఉందని అంతా భావిస్తున్నారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని