close

తాజా వార్తలు

Updated : 09/04/2021 09:54 IST
Facebook Share Twitter Share WhatsApp Share Telegram Share

కొవిడ్‌ ఉద్ధృతి: తమిళనాడులో తాజా ఆంక్షలివే!

చెన్నై: కరోనా విలయ తాండవం కొన్ని రాష్ట్రాల్లో అలజడి రేపుతోంది. మహమ్మారి ఉద్ధృతికి అడ్డుకట్ట వేసేందుకు ఇప్పటికే చాలా రాష్ట్రాలు ఒక్కొక్కటిగా ఆంక్షల వైపు అడుగులేస్తున్నాయి. తాజాగా తమిళనాడు ప్రభుత్వం కూడా ఈ జాబితాలోకి చేరింది. కర్ఫ్యూ, వారాంతాల్లో లాక్‌డౌన్‌ జోలికి వెళ్లకుండా కఠిన ఆంక్షల వైపు మొగ్గుచూపింది. మాస్కులు ధరించి, కరోనా జాగ్రత్తలు పాటించడంలో ప్రజలు విఫలమైనందువల్ల ఈ ఆంక్షలు తప్పడం లేదని చెప్పింది. ఏప్రిల్‌ 10నుంచి అమల్లోకి రానున్నాయి.

తాజా ఆంక్షలివే..

* పండుగలు, మతపరమైన బహిరంగ సమావేశాలపై నిషేధం.

* చెన్నైలోని ఎంటీసీ బస్సులతో సహా రాష్ట్ర వ్యాప్త ప్రభుత్వ, ప్రైవేటు వాహనాల్లో సీట్లకు మించి ప్రయాణికులకు అనుమతి లేదు.

* అంతరాష్ట్ర బస్సు సర్వీసులకూ ఇదే పద్ధతి. 

* తదుపరి ఉత్వర్వులు వచ్చేవరకూ చెన్నైలోని కోయంబేడు మార్కెట్‌లో పండ్లు, కూరగాయల దుకాణాలు బంద్‌. 

* టీ కొట్టు, హోటళ్లు, రెస్టారెంట్లు, క్లబ్‌లు, సినీ థియేటర్లు, మల్టీప్లెక్స్‌లను 50 శాతం సిట్టింగ్‌ సామర్థ్యంతో మాత్రమే నడపాలి. 

* కేవలం 100 మందితోనే శుభకార్యాల నిర్వహణ.

* సామాజిక, రాజకీయ, విద్య, వినోదం, క్రీడ, సాంస్కృతిక కార్యక్రమాలకు 200 మందికి అనుమతి.  

* ప్రార్థన మందిరాల్లోకి భక్తులకు రాత్రి 8 గంటల వరకే అనుమతి. పండుగలు, మతపరమైన కార్యక్రమాలపై నిషేధం. 

* సినిమా షూటింగ్‌, ఇతర కార్యక్రమాలను కరోనా నిబంధనల మేరకే అనుమతి. 

* కంటైన్‌మెంట్ జోన్‌గా గుర్తించిన ప్రాంతాల్లో పూర్తిస్థాయి లాక్‌డౌన్‌ ఆంక్షల అమలు 



ఇవీ చదవండి


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని