‘రెండిటి మధ్య చిన్న గీత ఉంటుంది’

హైదరాబాద్‌: రియల్‌ లైఫ్‌కు రీల్‌ లైఫ్‌కు చాలా తేడా ఉందని కథానాయిక సమంత అంటున్నారు. ఆమె నటించిన చిత్రం ‘మజిలీ’. నాగచైతన్య కథానాయకుడిగా నటించారు. దివ్యాంశా కౌశిక్‌ మరో కథానాయిక. శివ నిర్వాణ దర్శకత్వం వహించారు. ఈ సినిమా ఏప్రిల్‌ 5న విడుదలకు సిద్ధమౌతోంది. ఇటీవల డబ్బింగ్‌ కార్యక్రమాలు పూర్తయ్యాయి. ఈ సినిమాలో చైతన్య ప్రేయసిగా దివ్యాంశా, భార్యగా సమంత కనిపించనున్నారు.
ఇటీవల విడుదలైన ఈ సినిమా టీజర్‌కు మంచి స్పందన లభించింది. అందులో చైతన్య.. నటి దివ్యాంశాను ముద్దుపెట్టుకుంటూ కనిపించారు. ‘రంగస్థలం’ సినిమాలోనూ సామ్ కథానాయకుడు రామ్‌చరణ్‌ను ఓ సన్నివేశంలో ముద్దుపెట్టుకున్నారు. అప్పట్లో అది చర్చనీయాంశంగా మారింది. ‘నేను కేవలం చరణ్‌ బుగ్గలపై ముద్దుపెట్టా, ఆ సీన్‌ సుకుమార్‌ కెమెరా ట్రిక్‌’ అని సామ్‌ అన్నారు.
‘మజిలీ’లో చైతన్య ముద్దు సన్నివేశం గురించి సామ్‌ను తాజా ఇంటర్వ్యూలో యాంకర్‌ ప్రశ్నించారు. దీనికి ఆమె సానుకూలంగా స్పందించారు. నటనలో ఇవన్నీ భాగమని చెప్పారు. ‘మా మధ్య అద్భుతమైన బంధం ఉంది, మేం మంచి స్నేహితులం, పెళ్లి కూడా చేసుకున్నాం.. ముందు ప్రజలు ఈ విషయం అర్థం చేసుకోవాలి. నటనకు, నిజానికి మధ్య చిన్న గీత ఉంటుంది. నా పరంగా ముద్దుపెట్టుకోవడం, కౌగిలించుకోవడం కూడా నటనే. ఈ విషయాన్ని నేను అభిమానులకు కూడా చెప్పాలి అనుకున్నా. ఇదే రూల్‌ నాకు, చైకు వర్తిస్తుంది’ అని సామ్‌ పేర్కొన్నారు.
‘