close

తాజా వార్తలు

సిరీస్‌ 2-0తో కోహ్లీసేన ఆధిక్యం

విజయ్‌ శంకర్‌ మ్యాజిక్‌

నాగ్‌పుర్‌: భారత క్రికెట్‌ జట్టు 500వ వన్డే గెలుపును చిరస్మరణీయం చేసుకుంది. రెండో వన్డేలో ఆస్ట్రేలియాపై 8 పరుగుల తేడాతో విజయం సాధించింది. ఉత్కంఠ ఊపేసిన వేళ యువ ఆటగాడు విజయ్ శంకర్‌ మ్యాజిక్‌ చేశాడు. కంగారూలు చివరి ఓవర్‌లో 11 పరుగులు చేయాల్సి ఉండగా చివరి రెండు వికెట్లు తీశాడు. జట్టులో తన స్థానాన్ని మరింత పదిలం చేసుకున్నాడు. ఈ విజయంతో ఐదు వన్డేల సిరీస్‌లో టీమిండియా 2-0తో ఆధిక్యంలో నిలిచింది. విరాట్‌ కోహ్లీ (116; 120 బంతుల్లో 10×4) కెరీర్‌లో 40వ శతకం అందుకున్నాడు. విజయ్‌ శంకర్‌ (46; 41 బంతుల్లో 5×4, 1×6) రాణించడంతో అంతకు ముందు భారత్‌ 250 పరుగులు చేసింది.

స్టాయినిస్‌ పోరాటం వృథా

ఆస్ట్రేలియా ఛేదనను ఓపెనర్లు ఆరోన్ ఫించ్‌ (37; 53 బంతుల్లో 5×4, 1×6), ఉస్మాన్ ఖవాజా (38; 37 బంతుల్లో 6×4) ఘనంగా ఆరంభించారు. 83 పరుగుల భాగస్వామ్యం అందించారు. 14 ఓవర్ల వరకు టీమిండియాకు వికెట్‌ లభించలేదు. ఈ క్రమంలో కుల్‌దీప్‌ యాదవ్‌ ఫించ్‌ను, కేదార్‌ జాదవ్‌ ఖవాజాను జట్టు స్కోరు 83 వద్ద పెవిలియన్‌కు పంపించారు. షాన్‌ మార్ష్‌ (16), గ్లెన్‌ మాక్స్‌వెల్‌ (4) త్వరగానే ఔటైనా పీటర్‌ హాండ్స్‌కాంబ్‌ (48; 59 బంతుల్లో 4×4) రూపంలో ప్రతిఘటన ఎదురైంది. అలెక్స్‌ కారీ (22)తో కలిసి జట్టును నిలకడగా ముందుకు నడిపాడు. జట్టు స్కోరు 218 వద్ద కారీ ఔటయ్యాడు. ఈ క్రమంలో ఆల్‌రౌండర్‌ స్టాయినిస్‌ (52; 65 బంతుల్లో 4×4, 1×6) తిరుగులేని అర్ధశతకం సాధించాడు. భారత బౌలర్లకు ఎలాంటి అవకాశం ఇవ్వలేదు. అయితే 46వ ఓవర్‌లో బుమ్రా మ్యాజిక్‌ చేశాడు. కౌల్టర్‌ నైల్‌ (4), కమిన్స్‌ (0)ను ఔట్‌ చేసి జట్టుకు ఊపిరినిచ్చాడు. ఈ క్రమంలో చివరి ఓవర్‌లో ఆసీస్‌ విజయానికి 11 పరుగులు, టీమిండియాకు 2 వికెట్లు అవసరం అయ్యాయి. తొలి బంతికి స్టాయినిస్‌ను, మూడో బంతికి జంపాను ఔట్‌ చేసి విజయ్‌ శంకర్‌ భారత్‌కు అనూహ్య విజయం అందించాడు.


Tags :

స్పోర్ట్స్

రాజకీయం

జనరల్‌

సినిమా

క్రైమ్

బిజినెస్‌

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2019 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.