close

తాజా వార్తలు

కపిల్‌ కన్నా వేగంగా  ఆ రికార్డు వేటలో జడ్డూ

ముంబయి: టీమిండియా సీనియర్‌ స్పిన్నర్‌ రవీంద్ర జడేజా అరుదైన రికార్డుకు చేరువలో ఉన్నాడు. దిగ్గజ బౌలర్లు కపిల్‌దేవ్‌, మెక్‌గ్రాత్‌ కన్నా ముందుగానే ఆ ఘనతను సాధించేందుకు రంగం సిద్ధం చేసుకున్నాడు. వెస్టిండీస్‌తో తొలి టెస్టుకు జడ్డూ సన్నద్ధం అవుతున్నాడు. తుది జట్టులో ఇద్దరు స్పిన్నర్లకు అవకాశం ఉందని తెలుస్తోంది. రవిచంద్రన్‌ అశ్విన్‌కు చోటు ఖాయమే! ఈ నేపథ్యంలో కుల్‌దీప్‌, జడ్డూ మధ్య పోటీ నెలకొంది. చాన్నాళ్లుగా చైనామన్‌ బౌలర్‌ ఫామ్‌లో లేకపోవడం జడ్డూకు కలిసొచ్చే అంశం. ఇప్పటి వరకు 41 టెస్టులు ఆడిన అతడు 192 వికెట్లు తీశాడు. 200కు ఇంకా 8 వికెట్ల దూరంలో నిలిచాడు. తొలి మ్యాచ్‌లో చోటు దక్కితే ఈ సౌరాష్ట్ర స్పిన్నర్‌ రికార్డు సృష్టించే అవకాశం ఉంది.

భారత్‌ తరఫున అత్యంత వేగంగా 200 వికెట్లు తీసిన రికార్డు రవిచంద్రన్‌ అశ్విన్‌ పేరుతో ఉంది. అతడు 37 టెస్టుల్లోనే ఈ ఘనత అందుకున్నాడు. అరంగేట్రం చేసిన 4 ఏళ్ల 321 రోజుల్లోనే సాధించాడు. హర్భజన్‌ సింగ్‌ 46 టెస్టుల్లో ఈ రికార్డు అందుకున్నాడు. ఇందుకోసం అతడికి 7 ఏళ్ల 172 రోజులు పట్టింది. ఇక భారత్‌కు తొలి ప్రపంచకప్‌ అందించిన కపిల్‌దేవ్‌ 50వ టెస్టులో 200 వికెట్ల ఘనత సాధించడం గమనార్హం. ఏ రకంగా చూసినా భారత్‌ తరఫున అత్యంత వేగంగా 200 వికెట్ల ఘనత సాధించే రెండో బౌలర్‌గా రవీంద్ర జడేజాకే అవకాశం ఉంది. ఆంటిగ్వా వేదికగా ఈ నెల 22 నుంచి వెస్టిండీస్‌తో కోహ్లీసేన తొలి టెస్టులో తలపడనుంది.


Tags :

స్పోర్ట్స్

రాజకీయం

జనరల్‌

సినిమా

క్రైమ్

బిజినెస్‌

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2019 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.