విమానాశ్రయాలు కాదు.. రోడ్లు కావాలి:జీవన్‌రెడ్డి
close

తాజా వార్తలు

Published : 14/12/2020 01:49 IST

విమానాశ్రయాలు కాదు.. రోడ్లు కావాలి:జీవన్‌రెడ్డి

హైదరాబాద్: తెలంగాణ ప్రజలకు విలాసవంతమైన విమానాశ్రయాలు కాకుండా సౌకర్యవంతమైన రహదారులు అవసరమని కాంగ్రెస్‌ ఎమ్మెల్సీ జీవన్‌ రెడ్డి అన్నారు. దిల్లీ పర్యటనలో భాగంగా రాష్ట్రంలో రహదారుల అభివృద్ధి గురించి కాకుండా విమానాశ్రయాలపై సీఎం కేసీఆర్‌ ప్రస్తావించడంపై జీవన్‌ రెడ్డి తీవ్ర అభ్యంతరం వ్యక్తం చేశారు. గాంధీభవన్‌లో జీవన్‌రెడ్డి మీడియాతో మాట్లాడారు. శంషాబాద్‌ అంతర్జాతీయ విమానాశ్రయానికి నగరంలోని అన్ని ప్రాంతాల నుంచి రవాణా సౌకర్యాలు ఉండేలా రహదారులు నిర్మిస్తే సరిపోతుందని అభిప్రాయపడ్డారు. కాళేశ్వరం ప్రాజెక్టు నిర్మాణం పూర్తి చేసి ప్రారంభోత్సవం జరిగిన తరువాత ఎలా జాతీయ హోదా అడుగుతారని నిలదీశారు. గ్రేటర్‌ ఎన్నికల్లో తెరాసకు జరిగిన నష్టాన్ని గుర్తించిన కేసీఆర్‌.. ప్రజల దృష్టిని మళ్లించేందుకే ఇదంతా చేస్తున్నారని ఆరోపించారు. హైదరాబాద్‌లో జీహెచ్‌ఎంసీ ఎన్నికలు ఉన్నందునే వరద బాధితులకు రూ.10వేలు పరిహారం ఇచ్చారని అన్నారు. కేంద్రం నుంచి రాష్ట్రానికి రావాల్సిన నిధులను తీసుకురావడం లేదని.. రాష్ట్రాన్ని పూర్తిగా అప్పుల కుప్పగా మార్చారని ధ్వజమెత్తారు. సీఎం కేసీఆర్‌ తన కుటుంబంలో ప్రతి ఒక్కరికి ఉద్యోగం ఇచ్చుకున్నారని.. రాష్ట్రంలోని నిరుద్యోగులకు మాత్రం నిరాశే మిగిల్చారని దుయ్యబట్టారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని