డీఆర్సీలో వైకాపా ఎంపీ, ఎమ్మెల్యే వాగ్వాదం

తాజా వార్తలు

Updated : 24/11/2020 13:11 IST

డీఆర్సీలో వైకాపా ఎంపీ, ఎమ్మెల్యే వాగ్వాదం

కాకినాడ: తూర్పుగోదావరి జిల్లా కాకినాడలో డీఆర్సీ సమావేశం రసాభాసగా మారింది. టిడ్కో ఇళ్ల కేటాయింపులో అవినీతి జరిగిందని వైకాపా ఎంపీ పిల్లి సుభాష్‌ చంద్రబోస్‌ ఆరోపించగా.. ఆ వ్యాఖ్యలను అదే పార్టీకి చెందిన కాకినాడ ఎమ్మెల్యే ద్వారంపూడి చంద్రశేఖర్‌రెడ్డి ఖండించారు. దీంతో ఇద్దరి మధ్య వాగ్వాదం చోటుచేసుకుంది. తెదేపా హయాంలోనే అవినీతి జరిగిందని ద్వారంపూడి వాదనకు దిగారు. దీనిపై తెదేపా ఎమ్మెల్యేలు చినరాజప్ప, వేగుళ్ల జోగేశ్వరరావు అభ్యంతరం తెలిపారు. ఈ క్రమంలో జోగేశ్వరరావును ద్వారంపూడి పక్కకు నెట్టేశారు. అనంతరం కాకినాడ నగరం, గ్రామీణ ప్రాంతం ముంపు బారిన పడుతుందని.. మేడలైను వంతెన నిర్మాణాన్ని తక్షణం ఆపేయాలని ఎంపీ సుభాష్‌ చంద్రబోస్‌ కోరగా.. ఈ విషయంలో ద్వారంపూడి, బోస్‌ మధ్య మళ్లీ తీవ్ర వాగ్వాదం జరిగింది. నేతల వాగ్వాదంతో డీఆర్సీ సమావేశాన్ని జిల్లా కలెక్టర్‌ అర్ధాంతరంగా ముగించారు. సమావేశం ముగిసిన తర్వాత కూడా నేతలిద్దరూ పరస్పరం ఆరోపణలు చేసుకున్నారు.



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని