రాజకీయ ప్రయోజనాల కోసమే జలవివాదం: జగ్గారెడ్డి

తాజా వార్తలు

Published : 10/07/2021 15:19 IST

రాజకీయ ప్రయోజనాల కోసమే జలవివాదం: జగ్గారెడ్డి

హైదరాబాద్‌: తెలుగు రాష్ట్రాల ముఖ్యమంత్రులు కేసీఆర్, జగన్‌ కలిసి జలవివాదం పేరుతో ప్రాంతాల మధ్య విద్వేషాలను రెచ్చగొడుతున్నారని పీసీసీ వర్కింగ్ ప్రెసిడెంట్, ఎమ్మెల్యే జగ్గారెడ్డి ధ్వజమెత్తారు. ఇద్దరు సీఎంలు కలిసి సామరస్యంగా సమస్యను పరిష్కరించుకోకుండా వివాదాన్ని మరింత పెద్దది చేస్తున్నారని ఆగ్రహం వ్యక్తం చేశారు. మంత్రులు సైతం ఇష్టానుసారంగా మాట్లాడుతున్నారని.. ఇలా మాట్లాడటం వల్ల సమస్యలకు పరిష్కారం లభించదన్నారు. ముఖ్యమంత్రులిద్దరూ కలిసి కేవలం రాజకీయ ప్రయోజనాల కోసమే జలవివాదాన్ని తెరపైకి తీసుకొచ్చారు. ప్రజలు కరోనా కష్టాలు పడుతుంటే దాన్ని పక్కదారి పట్టించేందుకు జలవివాదాన్ని వాడుకుంటున్నారని పేర్కొన్నారు.

‘‘సీఎం జగన్ సోదరి షర్మిల.. తెలంగాణలో పార్టీ అంటూ కొత్త డ్రామాకు తేర లేపారు. షర్మిల తెలంగాణ కోడలే అయినా ఆమెది రాయలసీమ రక్తమే కదా. అక్కడ అన్న.. ఇక్కడ చెల్లెలు ప్రజలను మభ్యపెడుతున్నారు. షర్మిల పార్టీ పెట్టడం వెనుక భాజపా ప్రమేయం ఉంది. ఇప్పటివరకు జగన్ ఏ విషయంలోనూ భాజపాపై విమర్శలు చేయలేదు. విశాఖ స్టీల్ ప్రైవేటీకరణ విషయంలో కార్మికులు రోడ్ల పైకి వచ్చినా జగన్ నోరు మెదపడం లేదు’’ అని జగ్గారెడ్డి వ్యాఖ్యానించారు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని