TS Assembly: తెలంగాణలో గొర్రెల పెంపకంతో రూ.10వేల కోట్ల సంపద: తలసాని

తాజా వార్తలు

Updated : 27/09/2021 15:19 IST

TS Assembly: తెలంగాణలో గొర్రెల పెంపకంతో రూ.10వేల కోట్ల సంపద: తలసాని

హైదరాబాద్‌: తెలంగాణ రాష్ట్రంలో గొర్రెల పెంపకంతో రూ.10వేల కోట్ల సంపద సృష్టించామని పశుసంవర్ధకశాఖ మంత్రి తలసాని శ్రీనివాస్‌యాదవ్‌ శాసనసభలో తెలిపారు. పురపాలికల్లో ఉన్నవారికి గొర్రెల పంపిణీ అంశం పరిశీలనలో ఉందని వెల్లడించారు. గొర్రెల పెంపకం వృత్తిలో ముస్లింలు ఉన్నందున వారికి కూడా ఈ పథకంలో చేర్చే అంశాన్ని ముఖ్యమంత్రి దృష్టికి తీసుకెళతామన్నారు. శాసనసభ్యులు అడిగిన ప్రశ్నలకు జవాబిచ్చిన తలసాని.. మొదటి దశ పెండింగ్‌ డీడీలు కొన్ని ఉన్నాయని వాటిని త్వరలో చెల్లిస్తామన్నారు.

బార్‌ అండ్‌ రెస్టారెంట్లకూ రిజర్వేషన్లు: శ్రీనివాస్‌గౌడ్‌

మద్యం షాపుల్లో కల్పించిన రిజర్వేషన్ల తరహాలోనే బార్‌ అండ్‌ రెస్టారెంట్లకూ రిజర్వేషన్లు కల్పిస్తామని ఎక్సైజ్‌ శాఖ మంత్రి శ్రీనివాస్‌గౌడ్‌ అన్నారు. శాసనసభలో ప్రశ్నోత్తరాల సందర్భంగా సభ్యులు అడిగిన ప్రశ్నలకు సమాధానమిచ్చిన మంత్రి.. మద్యం షాపుల్లో గౌడ కులస్తులకు 15 శాతం, ఎస్సీలకు 10 శాతం, ఎస్టీలకు 5 శాతం రిజర్వేషన్లు కల్పిస్తున్నామన్నారు.

పోడు భూముల సమస్యపై ప్రభుత్వం సబ్‌ కమిటీ వేసి వివరాలు సేకరిస్తున్న నేపథ్యంలో సమస్యలు పరిష్కారం అయ్యే వరకూ రైతులకు నోటీసులు ఇవ్వొద్దని, కందకాలు తవ్వొద్దని ఇల్లెందు ఎమ్మెల్యే హరిప్రియ అటవీశాఖ మంత్రిని కోరారు.  



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని