చైన్‌ నుంచి ఆ శబ్దాలేంటి?

మెకానిక్‌ గురూ

చైన్‌ నుంచి ఆ శబ్దాలేంటి?

మెకానిక్‌ గురూ

నాలుగేళ్లుగా బజాజ్‌ 125 డిస్కవర్‌ ఎస్టీ వాడుతున్నాను. సగటున 70 కిలోమీటర్లు నగరంలో తిరుగుతాను. కొన్నాళ్లుగా బండి చైన్‌ నుంచి టకటక అనే శబ్దం వస్తోంది. మొదట్నుంచీ క్రమం తప్పకుండా సర్వీసింగ్‌ చేయిస్తూనే ఉన్నాను. మెకానిక్‌కి చూపిస్తే అంతా బాగానే ఉందన్నాడు. ఆథరైజ్డ్‌ సర్వీసింగ్‌ సెంటర్‌లో మరమ్మతు చేయించినా సమస్య పరిష్కారం కాలేదు. ఇప్పటివరకు బైక్‌ లక్షా పదకొండువేల కిలోమీటర్లు తిరిగింది. ఇంకా ఎంతకాలం కొనసాగించవచ్చు?

- ఎన్‌.విజయరామకృష్ణ, హైదరాబాద్‌

వాడిన కాలం, మన్నికను బట్టి చైన్‌ లేదా స్ప్రోకెట్‌ని మార్చాలా, వద్దా? అనేది ఆధారపడి ఉంటుంది. ప్రత్యేకంగా ఇన్నిరోజుల్లో దాన్ని మార్చాలనే నియమం లేదు. ఈమధ్యే బండిని సర్వీసింగ్‌ చేయించాను అంటున్నారు కాబట్టి ఇంకో నలభై, యాభై కిలోమీటర్లు నడిపి చూడండి. దానికన్నా ముందు చైన్‌ సెటప్‌ని అడ్జస్ట్‌ చేయాలి. ఆ సమయంలో చైన్‌ ప్రొటెక్టర్‌ భాగాలు, చైన్‌ స్లైడర్లు వదులు అయ్యాయేమో పరిశీలించండి. బండి కదులుతున్నప్పుడు ఏవైనా పార్ట్‌లు చైన్‌కి తగులుతున్నాయేమో గమనించండి.●

* డిసెంబరు 2018లో నేను హోండా యాక్టివా 5జీ కొన్నాను. అది బీఎస్‌-4. దీనికి ఆర్నెళ్ల తర్వాత పొల్యూషన్‌ సర్టిఫికెట్‌ అవసరం లేదని కొందరు, కావాలని ఇంకొందరు అంటున్నారు. ఎవరి మాట నమ్మాలి?

- కౌలాస్‌ సంతోష్‌, జహీరాబాద్‌

కొత్త వాహనానికి కాలుష్య ధ్రువీకరణ పత్రం రిజిస్ట్రేషన్‌ అయిన తేదీ నుంచి ఏడాది వరకు గడువు ఉంటుంది. తర్వాత పీయూసీ పరీక్ష ప్రతి ఆర్నెళ్లకోసారి చేయించాల్సి ఉంటుంది. దీనికి అనుగుణంగా మీరు అధీకృత పీయూసీ సెంటర్‌ నుంచి తప్పకుండా వాహన కాలుష్య మోతాదు పరీక్ష చేయించాల్సి ఉంటుంది. లేదంటే ట్రాఫిక్‌ పోలీసులు జరిమానా విధించే అవకాశం ఉంటుంది.

- హర్షిన్‌ లాల్‌పేట్‌, ఆటోమొబైల్‌ నిపుణుడు

(మీకూ ఇలాంటి సమస్యలు, సందేహాలు ఉంటే రాసి పంపండి)

Tags :