ఎఫ్‌డీలకు ప్రత్యామ్నాయం...

బ్యాంకు ఫిక్స్‌డ్‌ డిపాజిట్లకు ప్రత్యామ్నాయ పెట్టుబడి అవకాశాలపై ఆసక్తి ఉన్న మదుపరుల కోసం ‘మోతీలాల్‌ ఓస్వాల్‌ 5 ఇయర్‌ జీ-సెక్‌ ఈటీఎఫ్‌’ అనే పేరుతో ఒక కొత్త పథకాన్ని మోతీలాల్‌ ఓస్వాల్‌ మ్యూచువల్‌ ఫండ్‌ ఆవిష్కరించింది. ఈ న్యూ ఫండ్‌ ఆఫర్‌ (ఎన్‌ఎఫ్‌ఓ) డిసెంబరు 2న ముగుస్తుంది. ‘నిఫ్టీ 5 ఇయర్‌ బెంచ్‌మార్క్‌ జీ-సెక్‌ ఇండెక్స్‌’ తో దీని పనితీరును పోల్చి చూస్తారు. పూర్తిగా ప్రభుత్వ సెక్యూరిటీల్లో పెట్టుబడి పెట్టే పథకం కాబట్టి దీనికి ‘డిఫాల్ట్‌’ రిస్క్‌ చాలా తక్కువ. అదే సమయంలో అంచనాకు తగ్గట్లుగా ప్రతిఫలం ఉండకపోవచ్చు.. కాకపోతే పూర్తిగా బ్యాంకు డిపాజిట్లపై ఆధారపడకుండా, అంతే స్థాయి భద్రత, ప్రతిఫలాన్ని అందించే ఇతర పత్రాలను పరిశీలించే మదుపరులకు మోతీలాల్‌ ఓస్వాల్‌ 5 ఇయర్‌ జీ-సెక్‌ ఈటీఎఫ్‌ పరిశీలించదగిన పథకమే. అదే సమయంలో ఫిక్స్‌డ్‌ డిపాజిట్లతో పోల్చితే ఆదాయపు పన్ను పరంగానూ ఇది ఆసక్తికరంగా కనిపిస్తోంది. అంతేగాక 5 ఏళ్ల ప్రభుత్వ సెక్యూరిటీల్లో పరోక్షంగా పెట్టుబడి పెట్టేందుకూ ఈ పథకం అవకాశం కల్పిస్తుంది. ఎన్‌ఎఫ్‌ఓ ద్వారా ఇందులో కనీసం రూ.500 పెట్టుబడి పెట్టాలి.

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు

మరిన్ని

రుచులు

App