బ్యాంకుల్లో పెట్టుబడి...

మిరే అసెట్‌ ఇన్వెస్ట్‌మెంట్‌ మేనేజర్స్‌ ఇండియా, ‘మిరే అసెట్‌ బ్యాంకింగ్‌ అండ్‌ ఫైనాన్షియల్‌ సర్వీసెస్‌ ఫండ్‌’ పేరుతో ఒక కొత్త పథకాన్ని ఆవిష్కరించింది. ఈ ఓపెన్‌ ఎండెడ్‌ ఫండ్‌ ఎన్‌ఎఫ్‌ఓ డిసెంబరు 4తో ముగియనుంది. ఈ ఫండ్‌కు హర్షద్‌ బోరవాకే, గౌరవ్‌ కొచర్‌ ఫండ్‌ మేనేజర్లుగా వ్యవహరిస్తారు.
* ప్రధానంగా బ్యాంకులు, ఎన్‌బీఎఫ్‌సీ సంస్థల షేర్లపై ఈ ఫండ్‌ పెట్టుబడి పెడుతుంది.
* ఆసక్తికరమైన విషయం ఏమిటంటే ఈ పథకం కింద ఏఎంసీ (అసెట్‌ మేనేజ్‌మెంట్‌ కంపెనీలు),. జీవిత బీమా సంస్థలు, సాధారణ బీమా సంస్థలు, బ్రోకింగ్‌ సంస్థలు, రేటింగ్‌ ఏజెన్సీలు, స్టాక్‌ ఎక్స్ఛేంజిలు, వెల్త్‌ మేనేజ్‌మెంట్‌ కంపెనీల్లోనూ ఇది పెట్టుబడులు పెట్టవచ్చు.
*కంపెనీలను ఎంచుకునే క్రమంలో ‘మార్కెట్‌ కేపిటలైజేషన్‌’ పరిమితి అంటూ ఏదీ ఈ ఫండ్‌ పెట్టుకోలేదు. మంచి వృద్ధి అవకాశాలు ఉన్న కంపెనీ అయితే పెట్టుబడికి పరిశీలించే అవకాశం ఈ ఫండ్‌ మేనేజర్లకు ఉంది.
* దేశ ఆర్థిక వ్యవస్థ విస్తరించే కొద్దీ, బ్యాంకింగ్‌- ఆర్థిక సేవల రంగాల్లో ఎన్నో మార్పులు, వృద్ధి అవకాశాలు కనిపిస్తాయి. ఆ అవకాశాలను అందిపుచ్చుకోవటం ప్రధాన లక్ష్యంగా ఉన్న ఈ పథకం దీర్ఘకాలిక మదుపరులకు సరిపోతుంది. కరోనా మహమ్మారి తర్వాత ఆర్థిక వ్యవస్థ గాడిన పడుతున్న నేపథ్యంలో బ్యాంకింగ్‌, ఆర్థిక సేవల రంగాలు ఆకర్షణీయంగా మారుతున్నాయనే అంశాన్ని పరిగణలోకి తీసుకుంటే ఇదొక ఆసక్తికరమైన పథకం అనే విషయం అర్థమవుతుంది

చిన్న కంపెనీల షేర్లలో..

యూటీఐ మ్యూచువల్‌ ఫండ్‌ ఓపెన్‌ ఎండెడ్‌ స్మాల్‌ క్యాప్‌ మ్యూచువల్‌ ఫండ్‌ను ఆవిష్కరించింది. ఈ యూటీఐ స్మాల్‌ క్యాప్‌ ఫండ్‌ ఎన్‌ఎఫ్‌ఓ ఈ నెల 16న ముగుస్తుంది. స్మాల్‌ క్యాప్‌ విభాగానికి చెందిన ఈక్విటీ షేర్లపై పెట్టుబడి పెట్టి, దీర్ఘకాలిక లాభాలు ఆర్జించటం ఈ ఫండ్‌ ప్రధాన లక్ష్యం. పరిస్థితులను బట్టి రుణ పత్రాలు, మనీ మార్కెట్‌ పత్రాలపై 35 శాతం వరకూ నిధులు పెట్టుబడిగా పెట్టే అవకాశం ఈ పథకంలో ఉంది.
‘నిఫ్టీ స్మాల్‌ క్యాప్‌ 250 టీఆర్‌ఐ’తో దీని పనితీరును పోల్చి చూస్తారు. భారత ఆర్థిక వ్యవస్థకు చిన్న కంపెనీలు వెన్నెముకగా ఉన్నాయి. అటువంటి వాటిల్లో త్వరితగతిన విస్తరించే వ్యాపార నమూనా కల కంపెనీలపై పెట్టుబడులు పెట్టేందుకు ఈ ఫండ్‌ ప్రయత్నిస్తుంది, అదే సమయంలో స్మాల్‌ క్యాప్‌ కంపెనీలపై పెట్టుబడుల్లో దాగిఉన్న ప్రమాదాలను పసిగట్టి నివారించే ‘రిస్క్‌ అసెస్‌మెంట్‌ ప్రణాళిక’ మా దగ్గర ఉంది- అని ఫండ్‌ మేనేజర్‌ అంకిత్‌ అగర్వాల్‌ పేర్కొన్నారు.

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు

మరిన్ని

రుచులు

App