Tokyo Paralympics: క్వారంటైన్‌లోకి మరియప్పన్‌ తంగవేలు.. పతాకధారిగా టెక్‌ చంద్

తాజా వార్తలు

Published : 24/08/2021 15:38 IST

Tokyo Paralympics: క్వారంటైన్‌లోకి మరియప్పన్‌ తంగవేలు.. పతాకధారిగా టెక్‌ చంద్

(Photo: Mariyappan Thangavelu Twitter)

ఇంటర్నెట్‌డెస్క్‌: టోక్యో పారాలింపిక్స్‌ ఆరంభ వేడుకల్లో భారత పతాకధారిగా టెక్‌చంద్‌ ఎంపికయ్యాడు. ఇంతకుముందు ఈ బాధ్యతను రియో పారాలింపిక్స్‌లో స్వర్ణ పతక విజేత మరియప్పన్‌ తంగవేలుకు అప్పగించగా ఇప్పుడతను క్వారంటైన్‌లోకి వెళ్లాడు. టోక్యోకు వెళ్లేటప్పుడు విమానంలో ఓ కరోనా పాజిటివ్‌ వ్యక్తితో మరియప్పన్‌, మరో ఐదు మంది భారత అథ్లెట్లు సన్నిహితంగా మెలగడంతో నిబంధనల ప్రకారం అందర్నీ క్వారంటైన్‌కు తరలించారు. దీంతో ప్రారంభ వేడుకలకు భారత పతకధారిగా అధికారులు టెక్‌చంద్‌ను ఎంపికచేశారు. ఈ విషయాన్ని కొద్దిసేపటి క్రితం భారత ఒలింపియన్‌ బృందం ట్విటర్‌లో వెల్లడించింది. అయితే, క్వారంటైన్‌లోకి వెళ్లినవారందరికీ కరోనా పరీక్షలు చేయగా నెగిటివ్‌గా తేలిందని చెప్పారు. త్వరలోనే వారికి ప్రాక్టీస్‌ చేసేందుకు అవకాశం ఉంటుందని పేర్కొన్నారు. కాగా, ఈ పారాలింపిక్స్‌కు భారత్‌ నుంచి మొత్తం 54 మంది అథ్లెట్ల బృందం ఇటీవలే టోక్యోకు వెళ్లింది. గత పారాలింపిక్స్‌లో నాలుగు పతకాలు సాధించిన భారత అథ్లెట్లు ఈసారి మరిన్ని ఎక్కువే సాధిస్తారనే ఆశాభావం వ్యక్తమవుతోంది. ఇక ఈరోజు ప్రారంభమయ్యే టోక్యో పారాలింపిక్స్‌ సెప్టెంబర్‌ 5 వరకు జరగనున్నాయి.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని