CTET 2024 Key: సీటెట్‌ ‘ప్రాథమిక కీ’ విడుదల

CTET 2024 Key Released | దిల్లీ:  కేంద్రీయ ఉపాధ్యాయ అర్హత పరీక్ష (CTET Exam-jan 2024) ప్రాథమిక కీ విడుదలైంది. జనవరి 21న దేశవ్యాప్తంగా నిర్వహించిన 18వ ఎడిషన్‌ సీటెట్‌ రాసిన అభ్యర్థుల ఓఎంఆర్‌ ఆన్సర్‌ షీట్లు, ప్రాథమిక కీని అధికారిక వెబ్‌సైట్‌లో అప్‌లోడ్‌ చేసింది. ఫిబ్రవరి 7 నుంచి 10వ తేదీ అర్ధరాత్రి 11.59గంటల వరకు అందుబాటులో ఉంటాయని పేర్కొంది. ప్రాథమిక ఆన్సర్‌ కీపై ఫిబ్రవరి 10 అర్ధరాత్రి వరకు అభ్యంతరాలు తెలిపేందుకు అవకాశం కల్పించింది.

అయితే, ఒక్కో ప్రశ్నకు రూ.1000 చొప్పున (నాన్‌ రిఫండ్‌) చెల్లించాల్సి ఉంటుందని పేర్కొంది. పేపర్‌ 1 పరీక్ష (1 నుంచి 5వ తరగతి)కు 9,58,193 మంది అభ్యర్థులు రిజిస్టర్‌ చేసుకోగా.. పేపర్‌ 2 పరీక్ష (6 నుంచి 8వ తరగతి)కు 17,35,333 మంది రిజిస్టర్‌ చేసుకున్నారు. దేశవ్యాప్తంగా 135 నగరాల్లో ఈ పరీక్షను సీబీఎస్‌ఈ నిర్వహించిన విషయం తెలిసిందే. ఇందులో సాధించిన స్కోరును కేంద్ర ప్రభుత్వ పరిధిలోని పాఠశాలల ఉపాధ్యాయ నియామకాల్లో పరిగణనలోకి తీసుకుంటారు. సీటెట్‌లో సాధించిన స్కోర్‌కు జీవిత కాల వ్యాలిడిటీ ఉంటుంది.

కీ కోసం క్లిక్‌ చేయండి