... అను నేను!
విదేశీ యూనివర్సిటీల్లో అడ్మిషన్ ప్రక్రియకు సరైన ఎస్ఓపీని సంధిస్తే తిరుగే ఉండదు. మీలోని ఆసక్తి, అంకితభావం, ప్రేరణలను మీకు మీరుగా ఆవిష్కరించుకొని విద్యాసంస్థలను ఆకట్టుకోడానికి ఇదో చక్కటి అవకాశం. అప్పటి వరకు కెరియర్లో సాధించిన విజయాలను వివరిస్తూ.. భవిష్యత్తులో మీరు గురిపెట్టిన మీ స్థానాన్ని కళ్లముందు కనిపించేలా ..
విదేశీ యూనివర్సిటీల్లో అడ్మిషన్ ప్రక్రియకు సరైన ఎస్ఓపీని సంధిస్తే తిరుగే ఉండదు. మీలోని ఆసక్తి, అంకితభావం, ప్రేరణలను మీకు మీరుగా ఆవిష్కరించుకొని విద్యాసంస్థలను ఆకట్టుకోడానికి ఇదో చక్కటి అవకాశం. అప్పటి వరకు కెరియర్లో సాధించిన విజయాలను వివరిస్తూ.. భవిష్యత్తులో మీరు గురిపెట్టిన మీ స్థానాన్ని కళ్లముందు కనిపించేలా తెలియజేసేందుకు మంచి సాధనం. చక్కగా ప్రాక్టీస్ చేసి సూటిగా ఎస్ఓపీ అస్త్రాన్ని ప్రయోగిస్తే మీకు సీటు ఖరారు కావడం ఖాయం.
స్టేట్మెంట్ ఆఫ్ పర్పస్ (ఎస్ఓపీ).. విద్యార్థి తన లక్ష్యాలు, ఉద్దేశాలను వివరిస్తూ అడ్మిషన్ కమిటీకి రాసే లేఖ. ఒకరకంగా ఇంటర్వ్యూ సమయంలో అడిగే ‘మీ గురించి చెప్పండి?’ ప్రశ్న లాంటిదన్నమాట. విద్యార్థి దరఖాస్తు చేసుకున్న విశ్వవిద్యాలయంలో ప్రవేశం పొందగలడా లేదా అని నిర్ణయించడంలోనూ దీని పాత్ర కీలకమే. కొన్నిచోట్ల దీన్ని పర్సనల్ స్టేట్మెంట్గానూ వ్యవహరిస్తున్నారు. దీనిలో విద్యార్థి తన ఆలోచనలు, ఎంచుకున్న కెరియర్ పట్ల అంకితభావం, ఎంచుకోవడానికి ప్రేరణ కలిగించిన అంశాలు, తన ప్రత్యేకతలు.. మొదలైనవాటిని పొందుపరుస్తారు.
ఇది ఎందుకు అంటే.. విద్యార్థి దరఖాస్తు చేసుకున్నపుడు విదేశీ విశ్వవిద్యాలయం/ కళాశాల దీనిని రాయమని కోరుతుంది. విద్యార్థికి ఎంచుకున్న కోర్సుపై నిజంగా ఆసక్తి ఉందా? కోర్సు పూర్తి చేయగల సామర్థ్యం ఉందా? లాంటి అంశాల గురించి తెలుసుకోవడమే దీని వెనుక ఉన్న ఉద్దేశం. మిమ్మల్ని ఎందుకు ఎంచుకోవాలన్న ప్రశ్నకు మీ తరపున ఎస్ఓపీ సమాధానం ఇస్తుంది. కేవలం మార్కులు, చేసిన ప్రాజెక్టు బట్టి అభ్యర్థి వ్యక్తిత్వం అంచనా వేయడం సాధ్యం కాదు. అందుకే అభ్యర్థిపై లోతైన అవగాహనను ఏర్పరచుకోవడానికి విదేశీ విద్యాసంస్థలు ఈ మార్గాన్ని అనుసరిస్తున్నాయి. ఉద్యోగంలో చేరడానికి దరఖాస్తు ఎలా ఉపయోగపడుతుందో ఎంచుకున్న కోర్సులో చేరడానికి ఎస్ఓపీ కూడా అంతే తోడ్పడుతుంది. అయితే విద్యార్థులు తమ అభిరుచిని, సామర్థ్యాన్ని చక్కటి పదాల్లో వ్యక్తీకరించాల్సి ఉంటుంది.
ఈ ఎనిమిదీ ఉండాలి! * వ్యక్తిగతం (పర్సనల్ టచ్): ఎస్ఓపీ విద్యార్థి తన వ్యక్తిత్వాన్ని అడ్మిషన్స్ కమిటీకి వివరించేలా రాసే స్టేట్మెంట్. కాబట్టి ఎంచుకున్న కోర్సుకు తాను ఎలా సరైన వ్యక్తో చెప్పాల్సి ఉంటుంది. అందులో భాగంగా తను ఉదహరించే విజయాలు, తన కోరికలు అతడు/ ఆమె వైఖరిని అర్థం చేసుకోవడానికి తోడ్పడుతాయి. |
ఎలా రాయాలి? ఎస్ఓపీ మీకు ప్రతినిధిగా ఉండాలి. మీ వ్యక్తిత్వం, ఆశయాలను ప్రతిబింబించేలా ఉండాలి. కాబట్టి, మీకు చాలా స్ఫూర్తి కలిగించిన మంచి వాక్యంతోనో, ఉదాహరణతోనో ప్రారంభించవచ్చు. అయితే పూర్తిగా వాటితోనే నింపేయకూడదు. అలాగే చిన్నచిన్న పేరాలుగా విభజించి, 700-800 పదాల్లో పూర్తయ్యేలా రాయాలి. విశ్లేషకుడు (ఎవాల్యుయేటర్) మీ ఎస్ఓపీ చదవడానికి నిమిషం కంటే ఎక్కువ సమయం పడితే విసుగుగా భావించే ప్రమాదముంది. కాబట్టి ప్రతి పేరాలో మొదటి, చివరి వాక్యాల మీద దృష్టిసారించాలి. ఎస్ఓపీ రాయడంలో భాషకి చాలా ప్రాముఖ్యం ఉంటుంది. కాబట్టి, స్పష్టత ఉండాలి. అలాగే ఉపయోగించే భాషలో గౌరవం కనిపించాలి. |
ఇవి చేయకూడదు * పెద్ద పెద్ద పదాల జోలికి పోకూడదు. పెద్ద పదాలను ఉపయోగిస్తేనే ఇంగ్లిష్లో ప్రావీణ్యం ఉన్నట్లుగా కొందరు భావిస్తుంటారు. అది అపోహ మాత్రమే. అలాగే Yeah!, chuks మొదలైన పదాలను, మెసేజీల్లో ఉపయోగించే భాషను వాడకూడదు. |
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
17 వేల ఐసీఐసీఐ క్రెడిట్ కార్డులు బ్లాక్.. కారణమిదే!
-
అప్పుడు పరుగులు చేసింది కోహ్లీ ఒక్కడే: డుప్లెసిస్
-
శ్రీశైలంలో వైభవంగా భ్రమరాంబాదేవి కుంభోత్సవం
-
పెళ్లి గౌనును రీమోడల్ చేయించిన సమంత.. ఫొటోలు వైరల్
-
బొగ్గు ఓడను విశాఖ పోర్టుకు మళ్లించండి.. అదానీ గంగవరం పోర్టు యాజమాన్యానికి హైకోర్టు ఆదేశం
-
ఆర్టీసీ ప్రయాణికుల వద్దకే శ్రీ సత్యసాయి తాగునీరు