కరెంట్‌ అఫైర్స్‌

మాదిరి ప్రశ్నలు

ఆసియా క్రికెట్‌ కౌన్సిల్‌ (ఏసీసీ) అధ్యక్షుడిగా ఎవరు ఏకగ్రీవంగా ఎన్నికయ్యారు? (ఈయన బీసీసీఐ (భారత క్రికెట్ నియంత్రణ మండలి) కార్యదర్శిగా ఉన్నారు. ఇండొనేసియాలోని బాలిలో జరిగిన ఏసీసీ వార్షిక సర్వసభ్య సమావేశంలో ఈయనను ఎన్నుకున్నారు. ఈ పదవికి ఎన్నికకావడం ఇది మూడోసారి. ఏసీసీ అధ్యక్షుడిగా ఈయన మరో ఏడాది పాటు కొనసాగనున్నారు.) 

జ: జై షా

అయిదు వేల మెగావాట్ల సామర్థ్యం ఉండే నాలుగు అణు విద్యుత్తు ప్లాంట్ల నిర్మాణాన్ని ఇటీవల ఏ దేశం చేపట్టింది? (దేశ తూర్పు తీర పట్టణం సిరిక్‌ సమీపంలో వీటి నిర్మాణం మొదలైందని ఈ దేశ అణు విభాగ అధిపతి మహ్మద్‌ ఎస్లామి వెల్లడించారు. సుమారు 20 బిలియన్‌ డాలర్ల (సుమారు రూ.1.64 లక్షల కోట్లు) వ్యయంతో ఈ ప్రాజెక్టును చేపట్టారు. రష్యా సహకారంతో నిర్మించిన వెయ్యి మెగావాట్ల అణు ప్లాంటు ఈ దేశంలో ఇప్పటికే పనిచేస్తోంది.)

జ: ఇరాన్‌

‘వెడ్‌ ఇన్‌ ఇండియా’ నినాదాన్ని ఇటీవల ఎవరు ఇచ్చారు? (వివాహాలను ఘనంగా జరిపించేందుకు విదేశాలకు వెళ్లే వారంతా వాటిని భారత్‌లోనే చేసేలా ప్రోత్సహించాల్సిన అవసరం ఉందని, దీని కోసం ఈ నినాదాన్ని ఇస్తున్నట్లు వీరు పేర్కొన్నారు.)

జ: ప్రధాని నరేంద్ర మోదీ