కరెంట్‌అఫైర్స్‌

మాదిరి ప్రశ్నలు

'

ఐక్యరాజ్య సమితి (ఐరాస) 2024 వార్షిక బడ్జెట్‌కు భారత్‌ ఎంత మొత్తాన్ని విరాళంగా అందజేసింది? (సకాలంలో ఐరాస బడ్జెట్‌కు నిధులు అందించి గౌరవాన్ని పొందిన 36 దేశాల సరసన మనదేశం నిలిచింది. 2024, జనవరి 31 నాటికి ఈ దేశాలు తమ విరాళం మొత్తాలను పూర్తిస్థాయిలో అందజేశాయని ఐరాస సెక్రటరీ జనరల్‌ ఆంటోనియో గుటెరస్‌, అధికార ప్రతినిధి స్టీఫెన్‌ దుజరిక్‌ ప్రకటించారు.)

జ: సుమారు రూ.2730 కోట్లు (32.89 మిలియన్‌ డాలర్లు)

2022 నాటికి 40 వేల మెగావాట్ల రూఫ్‌ టాప్‌ సౌర విద్యుత్తును అందుబాటులోకి తీసుకురావాలన్న లక్ష్యాన్ని కేంద్ర ప్రభుత్వం ఎప్పటి వరకు పొడిగించింది? (ఈ క్రమంలోనే 2024-25 బడ్జెట్‌లో సౌర విద్యుత్తు కార్యక్రమాలకు కేంద్రం రూ.10 వేల కోట్లు కేటాయించింది. 2023-24 బడ్జెట్‌లో కేటాయించిన రూ.4757 కోట్లతో పోలిస్తే ఇది 110 శాతం అధికం. అంతేకాకుండా రూఫ్‌ టాప్‌ సౌర విద్యుత్తు ద్వారా కోటి గృహాలకు ప్రతి నెలా 300 యూనిట్ల వరకు ఉచిత కరెంటును సరఫరా చేయనున్నట్లు ప్రకటించింది.) 

జ: 2026

ప్రముఖ తమిళ సినీ హీరో విజయ్‌ ఇటీవల ప్రారంభించిన రాజకీయ పార్టీ పేరు ఏమిటి?

జ: తమిళగ వెట్రి కళగం (తమిళనాడు విజయ పార్టీ అని అర్థం)

ఏ దేశంలోని ప్రఖ్యాత ఈఫిల్‌ టవర్‌ను సందర్శించే పర్యాటకులు యూపీఐ (యూనిఫైడ్‌ పేమెంట్స్‌ ఇంటర్‌ఫేస్‌) పద్ధతి ద్వారా రుసుమును చెల్లించే సౌలభ్యాన్ని భారత్‌ 2024, ఫిబ్రవరి 2న ప్రారంభించింది?

జ: ఫ్రాన్స్‌