మొదట వచ్చారు.. చివర వెళ్లారు!

టీఆర్‌టీ-2024  భారతదేశ చరిత్ర 

వ్యాపారం కోసం భారతదేశానికి సముద్రమార్గం కనిపెట్టి మరీ వచ్చిన ఐరోపావాసులు ఇక్కడి రాజుల అనుమతితో వర్తక స్థావరాలను నెలకొల్పారు. వ్యాపార ఆధిపత్యం కోసం మొదట్లో వారిలో వారే యుద్ధాలకు దిగారు. సుశిక్షిత సైన్యం, వ్యూహ    రచనలో మేటిగా ఉన్న బ్రిటిష్‌ సైన్యం అందులో విజయం సాధించింది. ఆ తర్వాత ఆంగ్లేయులు స్వదేశీ పాలకులను ఓడించి మొత్తం దేశాన్ని వలసరాజ్యంగా చేసుకున్నారు. ఈ పరిణామక్రమంలో జరిగిన యుద్ధాలు, మలుపు తిప్పిన సంఘటనలు, ఒప్పందాలు, వాటిలో భాగస్వాములైన ఐరోపా   అధికారులు, స్థానిక పాలకుల గురించి పోటీ పరీక్షల అభ్యర్థులు తెలుసుకోవాలి. ఈస్టిండియా కంపెనీ ఆధ్వర్యంలో దేశ పాలనావిధానాల్లో వచ్చిన మార్పులపై అవగాహన పెంచుకోవాలి.