జీవనరేఖ ఎక్స్‌ప్రెస్‌లో సంచార వైద్యశాల!

టీఆర్‌టీ - 2024  జాగ్రఫీ

ప్రజలను, సరకులను ఒక ప్రదేశం నుంచి మరో ప్రదేశానికి సులభంగా, వేగంగా తరలించేదే రవాణా. సువిశాల భూభాగం ఉన్న మన దేశంలో ఆర్థిక కార్యకలాపాలు సజావుగా సాగడంలో, ప్రజల సామాజిక అవసరాలను ఎప్పటికప్పుడు తీర్చడంలో, ప్రాంతాల మధ్య అనుసంధానంలో రవాణా వ్యవస్థలు కీలకంగా పనిచేస్తున్నాయి. దేశంలో సమగ్ర, సమ్మిళిత అభివృద్ధిలో ప్రధానమైన   ఉపరితల, జల, వాయు రవాణా వ్యవస్థల స్వరూపం, అభివృద్ధి ప్రణాళికలు, సమకాలీన పరిణామాలపై పోటీ పరీక్షార్థులకు సమగ్ర అవగాహన ఉండాలి. జాతీయ రహదారులు, వాటి రూట్‌మ్యాప్‌లు, రైల్వే నెట్‌వర్క్‌, ముఖ్యమైన రైళ్లు, రైల్వే జోన్లు, కీలకమైన జలమార్గాలు, నౌకాశ్రయాలు, విమానాశ్రయాలు, వాటి ప్రత్యేకతల గురించి తెలుసుకోవాలి.