వీటిని తినేయొచ్చు!

అమౌరీగుయికాన్‌ తయారుచేసిన పేస్ట్రీలని చూస్తే ఎవరైనా నోరెళ్లబెట్టాల్సిందే! అంత అద్భుతంగా ఉంటాయి మరి. అందుకే అతన్ని ఇన్‌స్టాగ్రామ్‌లో 90లక్షలమంది, యూట్యూబ్‌లో ఐదు లక్షలమంది అనుసరిస్తున్నారు.. మొదట్లో పేస్ట్రీల తయారీని ఓ అభిరుచిగా మాత్రమే భావించిన అమౌరి ఆ రంగంలో 16 సంవత్సరాల అనుభవాన్ని సంపాదించాడు. తర్వాత... అందులో మెలకువలని తెలుసుకోవాలని ప్రపంచం మొత్తం తిరిగాడు. అలా నేర్చుకున్న మెలకువలతో అద్భుతమైన పేస్ట్రీలు తయారీని చేపట్టాడు. ఇప్పుడు మీరు చూస్తున్న స్టాచ్యూ ఆఫ్‌ లిబర్టీ దగ్గర నుంచి తక్కిన అద్భుతాలన్నీ అతను తయారుచేసినవే. ఆసక్తి ఉన్నవారికి నేర్పించడం కోసం లాస్‌వేగాస్‌లో ఓ పేస్ట్రీ అకాడమీని కూడా ప్రారంభించాడు.