కొయ్యద్దు.. లాగండి!

వేడుకల్లో కేకుని కోస్తాం కదా! కానీ ఈ కేకుని కోయకూడదు. పైనున్న కవర్‌ని లాగితే చాలు. అదే ‘పుల్‌మి అప్‌ కేకు’ల ప్రత్యేకత. ఇంతకీ లాగితే ఏమవుతుంది అనేగా మీ సందేహం. మామూలు కేకులకి భిన్నంగా ఉంటాయి ఇవి. బార్బీ లేదా ఏదైనా పిల్లలకి నచ్చిన కామిక్‌ పాత్రల్ని ఉంచి ఈ కేకులని తయారుచేస్తారు. వీటిపై అమర్చిన సీత్రూ కవర్‌ని లాగినప్పుడు అందులోని క్రీం, గ్లిట్టర్లు కేకుపై నుంచి జారుతూ ఆ బొమ్మకి సరికొత్త లుక్‌ని తీసుకొస్తాయి. ఈ మధ్యకాలంలో కామిక్‌ పాత్రలని కాకుండా... తమకిష్టమైన వాళ్ల ఫొటోలని ఉంచి ఈ కేకులని తయారుచేస్తున్నారు. కవర్‌లాగినపుడు జరిగే మ్యాజిక్‌ చూడ్డానికి భలేగా ఉంటుంది. దాంతో పిల్లలూ, పెద్దలూ ఇష్టపడి మరీ వీటిని ప్రత్యేకంగా తయారుచేయించుకుంటున్నారు.