గట్టిగా కాదు.. మృదువుగా

కొత్త సంవత్సరం కోసం ఇంట్లోనే కేక్‌ చేయాలని ఉంది. కానీ ఎప్పుడు చేసినా గట్టిగా వస్తున్నాయి. కేకు మృదువుగా రావాలంటే ఏవైనా సలహాలు చెప్పండి?

కేక్‌ చేసేటప్పుడు అవెన్‌ని ముందుగానే వేడిచేసి సిద్ధంగా ఉంచుకోవాలి. అలాగే కేకు తయారీలో వాడే గుడ్లు, మైదా వంటి పదార్థాలు ఏవైనా సరే... గది ఉష్ణోగ్రత వద్ద ఉండటం తప్పనిసరి. ఒకటి వేడిగా, ఒకటి చల్లగా ఇలా ఉండకూడదు. బేకింగ్‌ ట్రేని మరీ పెద్దది, మరీ చిన్నది కాకుండా పిండి కొలతలని బట్టి ఎంచుకోవాలి. అలాగే పాన్‌ని పూర్తిగా కేక్‌బ్యాటర్‌తో నింపేయకుండా పావువంతు వెలితిగా నింపితే కేక్‌పైకి పొంగిపోకుండా చక్కగా వస్తుంది. బేకింగ్‌ చేసేటప్పుడు ట్రేలో అడుగున నాన్‌స్టిక్‌ బేక్‌మ్యాట్స్‌ దొరుకుతున్నాయి. అవి వాడితే కేకులు చక్కగా మీరు అనుకున్నట్టుగా వస్తాయి. కేక్‌ ఉడికిందా లేదా అని తెలుసుకొనేందుకు టూత్‌పిక్‌తో గుచ్చి చూస్తే అర్థమైపోతుంది. అలాగే అవెన్‌ నుంచి కేక్‌ని తీశాక... 20 నిమిషాలు వదిలేయండి. చల్లారాక అప్పుడు పాన్‌ నుంచి తీయండి. అవెన్‌లో ఓ పక్కకు కాకుండా మధ్యలో ఉంచితే సరిగ్గా ఉడుకుతుంది.  

మారియో చెరిమాన్‌, హస్పిటాలిటీ, గీతం విశ్వవిద్యాలయం