కుల్ఫీ బంగారమాయెరా!

భారతీయ మిఠాయిల్లో కుల్ఫీది ఓ ప్రత్యేక స్థానం. మామిడి, పిస్తా, బాదం...వంటి రకాల గురించి మీకు తెలిసే ఉంటుంది. కానీ, గోల్డ్‌ కుల్ఫీ గురించి ఎప్పుడైనా విన్నారా? ఇది ఇందౌర్‌లోని ప్రకాశ్‌ కుల్ఫీ దుకాణంలో చాలా ఫేమస్‌. 24 క్యారెట్ల బంగారు రేకుపై అద్ది ఇచ్చే దీని ధర రూ.351. దీంతో పాటు రెండు కేజీలకు పైగా బరువుండే గొలుసులూ, చేతి కడియాలు, ఉంగరాలను ధరించి ఈ షాప్‌ యజమాని బంటీ యాదవ్‌   వినియోగదారుల్ని ఆకట్టుకుంటున్నారు. దాంతో ఈ కుల్ఫీని ఆయన చేతుల మీదుగా అందుకుంటూ సెల్ఫీ తీసుకునేవారి సంఖ్య రోజు రోజుకీ పెరుగుతోంది. రేటు కాస్త ఎక్కువే అయినా...రుచి కూడా సూపర్‌ అంటూ కుల్ఫీ ప్రియులు ఇక్కడ క్యూ కడుతున్నారు. అటెళ్లిన్నప్పుడు మీరూ ప్రయత్నిస్తారా!