జర్మన్‌ చాక్లెట్‌కేక్‌ టెక్సాస్‌లో తయారైంది!

పుట్టినరోజు, పెళ్లిరోజు, కొత్త సంవత్సరం, వీడ్కోలు సమావేశం.. మరేదో పండుగ, ఇంకేదో వేడుక.. ఎందులోనైనా కేకు ఉండాల్సిందే, కేక పెట్టించాల్సిందే కదూ! నిజం మాట్లాడితే కేకు తినడానికి ప్రత్యేక సందర్భాలు అవసరం లేదు కూడా. అది ఉంటే చాలు పండుగ వాతావరణం దానంతట అదే వచ్చేస్తుంది. ముఖ్యంగా జర్మన్‌ చాక్లెట్‌ కేక్‌ను తలచుకుంటే పిల్లల కళ్లు వెలిగిపోతాయి. సాధారణ స్వీట్ల కంటే కేకును అంతగా ఇష్టపడతారు. ఇంతకీ జర్మన్‌ చాక్లెట్‌ కేకు జర్మనీలో కానీ యూరప్‌ దేశాల్లో కానీ ఆవిర్భవించలేదు. 18వ శతాబ్దం ఆరంభంలో టెక్సాస్‌లో ఒక అమెరికన్‌ తయారుచేశాడు. చాన్నాళ్ల తర్వాత 1852లో జర్మనీకి చెందిన శామ్యూల్‌ అనే వ్యక్తి బేకర్స్‌ చాక్లెట్‌ కంపెనీ కోసం డార్క్‌ చాక్లెట్‌ బార్‌ ఫార్ములా రూపొందించడంతో దానికి ‘జర్మన్‌ చాక్లెట్‌ కేక్‌’ అనే పేరు స్థిరపడింది. అంటే తర్వాత ఎన్ని మార్పులూ చేర్పులూ చోటుచేసుకున్నప్పటికీ అసలు కితాబు మాత్రం అమెరికాకే దక్కుతుంది.