పర్యావరణ హితం.. రకుల్‌-జాకీ వివాహం

ప్రేమలో పడటం.. పెద్దల్ని ఒప్పించి పెళ్లి చేసుకోవడం... చాలామంది సినిమా తారలకు కామన్‌.  పెళ్లిని ఓ మధుర జ్ఞాపకంగా మలచుకోవడానికి అంగరంగవైభవంగా వేడుక చేసుకుంటారు కొందరు. మన రకుల్‌ప్రీత్‌ సింగ్‌.. జాకీ భగ్నానీని పెళ్లాడుతున్నప్పుడు పర్యావరణంపై ఉన్న ప్రేమనూ జోడించింది. ఇంతకీ తనేం చేసిందంటే..

• ఎంత గొప్పగా ఉన్నా.. సాధారణంగా పెళ్లిపత్రికలు కాగితం తోనే తయారు చేస్తారు కదా! అలా చేయడం చెట్లను నరికేయడానికి ఎంతో కొంత కారణం అవుతామని భావించి, కాగితం పెళ్లి పత్రికలు కాకుండా.. ఆహ్వానాలన్నీ డిజిటల్‌మయం చేసిందీ జంట. పైగా ఈ ప్రత్యేక సందర్భాన్ని పురస్కరించుకొని పెద్ద ఎత్తున మొక్కలు నాటించారు.
• తారల పెళ్లికి భారీగా బాణాసంచా కాల్చుతుంటారు. ఇది కాలుష్యానికి కారణమవుతుంది. అందుకే ఇలాంటి కార్యక్రమాన్ని దూరం పెట్టేశారు.
• మొదట్లో పెళ్లిని దుబాయ్‌ లేదా అబుదాబిలో నిర్వహించాలని భావించారు. అయితే ప్రధాని మోదీ ‘ధనవంతులు, సమాజంపై ప్రభావం చూపే తారలు.. మనదేశంలోని అందమైన ప్రదేశాల్లోనే పెళ్లి వేడుకలు చేసుకొని అంతర్జాతీయంగా ప్రాచుర్యం తేవాల’ని కోరడంతో వేడుకని గోవాకి మార్చారు.
• చక్కెర, గ్లూటెన్‌లు అనేక అనారోగ్యాలకు కారణమవుతుంటాయి. తమ పెళ్లిలో వీటిని పూర్తిగా పరిహరించారు రకుల్‌-జాకీలు. అతిథులకు ఎన్నోరకాల వంటకాలు వడ్డించినా.. ఆ రెండు పదార్థాలు లేకుండా మెనూ రూపొందించారు.  
• అనవసర ఖర్చు.. ఆడంబరాలకు దూరంగా ఉండాలనే ఉద్దేశంతో కుటుంబ సభ్యులు, అతి సన్నిహితుల సమక్షంలోనే ఒక్కటయ్యారు.