ఓటు ప్రాధాన్యంపై నేడు రౌండ్‌టేబుల్‌ సమావేశం

ఈనాడు డిజిటల్‌, అమరావతి: సిటిజన్స్‌ ఫర్‌ డెమోక్రసీ (సీఎఫ్‌డీ) ఆధ్వర్యంలో ‘ఓటు వేద్దాం-ప్రజాస్వామ్యాన్ని రక్షించుకుందాం’ అంశంపై విజయవాడలో గురువారం రౌండ్‌టేబుల్‌ సమావేశం నిర్వహించనున్నారు. ఈ సమావేశానికి రాష్ట్ర పూర్వ ఎస్‌ఈసీ, సీఎఫ్‌డీ కార్యదర్శి నిమ్మగడ్డ రమేశ్‌కుమార్‌తో పాటు ప్రముఖ సినీ గేయ రచయిత జొన్నవిత్తుల రామలింగేశ్వరరావు, ప్రముఖ రాజనీతిశాస్త్ర ప్రొఫెసర్‌ కొండవీటి చిన్నయసూరి సహా పలువురు సామాజికవేత్తలు, విద్యావంతులు పాల్గొని ఓటు ఆవశ్యకత పై ప్రసంగిస్తారని బుధవారం ఓ ప్రకటనలో సీఎఫ్‌డీ తెలిపింది. యువ ఓటర్లను చైతన్యం చేయడం కోసం సీఎఫ్‌డీ ఇప్పటికే పలు విద్యాసంస్థల్లో అనేక కార్యక్రమాలు నిర్వహించినట్లు గుర్తుచేసింది.