AP News: ఆటో బోల్తా.. ఇద్దరు చిన్నారులు మృతి

అమరావతి: కర్నూలు జిల్లాలో దైవదర్శనానికి వెళ్తుండగా అదుపుతప్పి ఆటో బోల్తా పడింది. ఈ ప్రమాదంలో ఏడుగురు గాయపడగా.. ఇద్దరు బాలురు మృతి చెందారు. కర్నూలు జిల్లా తుగ్గలి మండలం చెన్నంపల్లికి చెందిన రాజశేఖర్, హనుమంతు కుటుంబాలు శ్రీశైలం దర్శనానికి ఆటోలో బయలుదేరారు. ప్యాపిలి మండలం ఎస్‌.రంగాపురం వద్ద అదుపుతప్పి ఆటో బోల్తా పడింది. ఈ ప్రమాదంలో పవన్, దినేష్ అనే ఇద్దరు చిన్నారులు అక్కడికక్కడే ప్రాణాలు కోల్పోయారు. మరో ఏడుగురు తీవ్రంగా గాయపడ్డారు. వీరిలో ఇద్దరి పరిస్థితి విషమంగా ఉండడంతో వారిని కర్నూలు ఆస్పత్రికి తరలించారు. విగత జీవులుగా పడి ఉన్న చిన్నారుల మృతదేహాలను చూసి తల్లిదండ్రులు కన్నీరుమున్నీరుగా విలపించారు.