అమెరికా పౌరురాలిపై అత్యాచారం

రిషికేశ్‌: అగ్రరాజ్యం అమెరికాకు చెందిన ఓ మహిళ(37) ఇంట్లోకి చొరబడిన వ్యక్తి ఆమెపై అత్యాచారానికి పాల్పడ్డాడు. అమెరికాకు చెందిన ఓ మహిళ ఉత్తరాఖండ్‌లోని రిషికేశ్‌లో నివశిస్తూ యోగా నేర్చుకొంటోంది.  ఆమెకు అభినవ్ రాయ్‌ అనే వ్యక్తితో పరిచయం ఉంది. అతను పలుమార్లు ఆ మహిళను ఫ్లాట్‌కు పిలిపించుకొని అసభ్యంగా ప్రవర్తించాడు. ఈనేపథ్యంలోనే అక్టోబర్‌ 5వ తేదీన మహిళ ఇంట్లోకి చొరబడి ఆమెపై అఘాయిత్యానికి పాల్పడ్డాడు. దీంతో ఆమె పోలీస్‌ స్టేషన్‌లో కేసుపెట్టింది. ఆ కేసును ఉపసంహరించుకోవాలంటూ నిందితుడి తండ్రి తనను బెదిరించినట్లు బాధితురాలు పోలీసులకు వెల్లడించింది.