Eluru Dist: బావిలో పడిన బైక్‌.. ఇద్దరు యువకుల మృతి

ఆగిరిపల్లి: ద్విచక్రవాహనం అదుపుతప్పి బావిలో పడిన ఘటనలో ఇద్దరు యువకులు మృతి చెందారు. ఏలూరు జిల్లా ఆగిరిపల్లి మండలం కనసానపల్లి గ్రామ సమీపంలో ఈ ఘటన జరిగింది. స్థానికులు తెలిపిన వివరాల ప్రకారం..  కనసానపల్లికి సమీపంలోని మామిడి తోటలో ముగ్గురు యువకులు డిసెంబర్‌ 31 అర్ధరాత్రి నూతన సంవత్సర వేడుకలు నిర్వహించుకున్నారు. వేడుకలు ముగించుకుని ముగ్గురు ద్విచక్రవాహనంపై బయలుదేరారు. ఈ క్రమంలో బైక్‌ అదుపుతప్పి తోటలో ఉన్న బావిలో పడింది. ఈ ఘటనలో ఇద్దరు యువకులు మృతి చెందగా... మరో యువకుడు ప్రాణాలతో బయటపడ్డాడు. ఘటనాస్థలిని పరిశీలించిన పోలీసులు.. కేసు నమోదు చేసి దర్యాప్తు చేపట్టారు.