ఇద్దరు యువకులపై కేసు నమోదు 

గుడివాడ: దంపతుల వ్యక్తిగత వీడియోలను చిత్రీకరించి వారి నుంచి నగదు డిమాండ్‌ చేస్తున్న ఇద్దరు యువకులపై కృష్ణా జిల్లా గుడివాడ ఒకటో పట్టణ పోలీసులు కేసు నమోదు చేశారు. పోలీసులు తెలిపిన వివరాల ప్రకారం.. గుడివాడకు చెందిన దంపతుల పడకగది దృశ్యాలను అట్లూరి రఘు, షేక్‌ అన్వర్‌లు రహస్యంగా చిత్రీకరించారు. ఇటీవల వాటిని బయట పెడతామని వారిని బ్లాక్‌మెయిల్‌ చేస్తున్నారు. అంతేకాకుండా పెద్ద మొత్తంలో నగదు డిమాండ్‌ చేయడంతో బాధితులు జిల్లా ఎస్పీ రవీంద్రనాథ్‌బాబును ఆశ్రయించారు. ఎస్పీ ఆదేశాల మేరకు నిందితులపై పలు సెక్షన్ల కింద పోలీసులు కేసు నమోదు చేశారు.