నాన్నా.. ఏడవడం నా తప్పా...!
అభం శుభం తెలియని చిన్నారి.. ఆకలయినా.. బాధయినా ఏడుపే తన భాష. అయితే ఆ భాషే తన పాలిట శాపంగా మారింది....
ఎర్నాకులం: అభం శుభం తెలియని చిన్నారి.. ఆకలైనా.. బాధయినా ఏడుపే తన భాష. అయితే ఆ భాషే తన పాలిట శాపంగా మారింది. తన తండ్రికి తన కూతురి భాష ఎంత మాత్రం నచ్చలేదు.. మద్యం మత్తులో తనను తానే మర్చిపోయాడు.. తన బాధను ఎలా చెప్పాలో తెలియక ఏడుస్తున్న ఆ పసికందు పట్ల పైశాచికత్వాన్ని ప్రదర్శించాడు.. ఫలితం తండ్రి దాడిలో గాయపడి ఆస్పత్రిలో చావు బతుకుల మధ్య కొట్టుమిట్టాడుతోంది ఆ పసికందు. హృదయాలను ద్రవింపజేసే ఈ అమానవీయ ఘటన కేరళ రాష్ట్రం ఎర్నాకులం జిల్లాలో చోటుచేసుకుంది. వివరాల్లోకి వెళితే...
ఎర్నాకులానికి చెందిన ఓ వ్యక్తి తన 54 రోజుల వయసున్న కుమార్తె రాత్రంతా ఏడుస్తూనే ఉందన్న కారణంతో ఆమె తలపై కొట్టి మంచంపై విసిరేశాడు. దీంతో తీవ్రంగా గాయపడిన చిన్నారిని మంచంపై నుంచి పడిపోయిందని చెప్పి ఆస్పత్రిలో చేర్పించే ప్రయత్నం చేశాడు. అతడి మాటలపై అనుమానం వచ్చిన ఆస్పత్రి వర్గాలు పోలీసులకు సమాచారం అందించాయి. రంగంలోకి దిగిన పోలీసులు పాప తండ్రిని అదుపులోకి తీసుకుని విచారించగా తానే గాయపరిచినట్లు అంగీకరించాడు. కేసు నమోదు చేసుకున్న పోలీసులు అతణ్ని అరెస్ట్ చేశారు.ఆ సమయంలో అతను మద్యం మత్తులో ఉన్నట్లు పాప తల్లి పేర్కొంది. ఈ ఘటనలో తీవ్రంగా గాయపడిన పసికందును ఐసీయూలో ఉంచి చికిత్స అందిస్తున్నారు. మెదుడులో రక్తస్రావం కావడంతో ఆపరేషన్ చేసినట్లు ఆస్పత్రి వర్గాలు తెలిపాయి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (27/04/24)
-
విరాట్ - హార్దిక్కు నో ఛాన్స్.. ఈ లఖ్నవూ స్టార్కు ప్లేస్: భారత మాజీ క్రికెటర్
-
ఏడాదికి ‘రెండు సార్లు’ సీబీఎస్ఈ బోర్డు పరీక్షలు.. 2025 నుంచే!
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
-
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?
-
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్