సెల్‌ఫోన్‌ దొంగిలించాడంటూ.. తలకిందులుగా వేలాడదీశారు

మంగళూరు, న్యూస్‌టుడే: కర్ణాటకలోని మంగళూరు జాలర్ల కాలనీలో సెల్‌ఫోన్‌ దొంగిలించాడంటూ ఓ వ్యక్తిని తలకిందులుగా వేలాడదీసిన సంఘటన ఆలస్యంగా వెలుగుచూసింది. మంగళూరు జాలర్ల కాలనీలో వైల శీను (ఇతను ఆంధ్రప్రదేశ్‌కు చెందినవాడని గుర్తించారు) అనే జాలరి సెల్‌ఫోన్‌ను దొంగిలించాడనే కోపంతో చేపల వేటకు వెళ్లిన సందర్భంలో ఇతర జాలర్లు ఆగ్రహం వ్యక్తం చేశారు. అంతటితో వదిలేయకుండా తీరంలో తలకిందులుగా వేలాడదీశారు. తాను ఎలాంటి దొంగతనం చేయలేదని పదేపదే మొత్తుకున్నా వినిపించుకోకుండా హింసించారు. ఈ వీడియో బుధవారం సామాజిక మాధ్యమాల్లో వైరల్‌గా మారింది.