మూగ జీవితో పాటే మృత్యుఒడికి..

విద్యుదాఘాతానికి గురైన ఎద్దును రక్షించబోయి రైతు మృతి

విద్యుదాఘాతానికి గురైన మూగజీవాన్ని రక్షించేందుకు యత్నించిన రైతు దానితోపాటే మృత్యుఒడికి చేరారు. ఈ విషాద సంఘటన జగిత్యాల జిల్లా రాయికల్‌ మండలంలో మంగళవారం చోటుచేసుకుంది. అల్లీపూర్‌కు చెందిన బత్తుల లస్మయ్య(65) మేత కోసం తన ఎద్దులను గ్రామ శివారుకు తీసుకెళ్లారు. ఇటీవల వీచిన ఈదురుగాలులకు తెగిపడిన ఓ విద్యుత్తు తీగ ఎద్దుకు తగలడంతో  విద్యుదాఘాతానికి గురైంది. గమనించిన లస్మయ్య ఎద్దును కాపాడే ప్రయత్నంలో మూగజీవితో పాటు అక్కడికక్కడే ప్రాణాలు విడిచారు. శివారున ఉండడంతో తెగిపడిన కరెంటు తీగను ఎవరూ గమనించలేదని గ్రామస్థులు తెలిపారు.

- న్యూస్‌టుడే, రాయికల్‌