ప్రైవేటు బస్సు బోల్తా

13 మందికి గాయాలు

గోపాలపురం, నల్లజర్ల, న్యూస్‌టుడే: తూర్పుగోదావరి జిల్లా నల్లజర్ల శివారులో ఓ ప్రైవేటు ట్రావెల్స్‌ బస్సు బోల్తా పడి 13 మందికి గాయపడ్డారు. 35 మంది ప్రయాణికులతో గుంటూరు నుంచి విశాఖపట్నానికి వెళ్తున్న బస్సు మంగళవారం అర్ధరాత్రి నల్లజర్ల సమీపంలోకి రాగానే ముందు వెళ్తున్న వాహనాన్ని అధిగమించే క్రమంలో అదుపుతప్పి బోల్తాపడింది. స్థానిక పోలీసులు అక్కడికి చేరుకొని ప్రయాణికులను బయటకు తీశారు. గాయపడ్డవారిని నల్లజర్ల ప్రాథమిక ఆరోగ్య కేంద్రానికి తరలించారు. వారిలో ముగ్గురి పరిస్థితి విషమంగా ఉండటంతో ఏలూరు ప్రభుత్వ ఆసుపత్రికి తరలించారు.