విద్యార్థినిపై దారుణానికి ఒడిగట్టిన ట్యూటర్‌!

కోల్‌కతా: బాలికపై అత్యాచారం కేసులో పోలీసులు ఓ ట్యూటర్‌ని అరెస్టు చేశారు. పశ్చిమ బెంగాల్‌లోని పార్గనాస్‌లో సదరు ట్యూటర్‌ని అదుపులోకి తీసుకున్న పోలీసులు అతడి మిత్రుడి కోసం గాలిస్తున్నారు. ట్యూషన్‌కి వెళ్లిన తనపై కొద్దిరోజుల క్రితం ట్యూటర్‌ సహా అతడి మిత్రుడు అత్యాచారానికి పాల్పడ్డారని, ఆ ఘటనను వీడియో తీశారని ఓ 14 ఏళ్ల బాలిక పోలీసులను ఆశ్రయించింది. దీంతో కేసు నమోదు చేసుకున్న పోలీసులు ట్యూటర్‌ని అరెస్టు చేసి కోర్టులో హాజరు పరిచారు. కాగా న్యాయస్థానం అతడికి ఏడు రోజుల కస్టడీ విధించింది. అతడి మిత్రుడి కోసం గాలిస్తున్నామని పోలీసులు పేర్కొన్నారు. బాలిక వైద్య నివేదిక రావాల్సి ఉందని తెలిపారు.