Telangana News: కూలీలపైకి దూసుకొచ్చిన ఆర్టీసీ బస్సు... ముగ్గురి మృతి

ఆలేరు : యాదాద్రి జిల్లాలో ఆదివారం మధ్యాహ్నం ఘోర రోడ్డు ప్రమాదం జరిగింది. వరంగల్‌ నుంచి హైదరాబాద్‌ వెళ్తున్న ఆర్టీసీ బస్సు ఆలేరు మండలం మంతపురి బైపాస్‌ వద్ద ట్రాక్టర్‌ను ఢీకొని... రోడ్డు పనులు చేస్తున్న  కూలీలపైకి దూసుకెళ్లింది. ఈ ప్రమాదంలో ముగ్గురు అక్కడికక్కడే మృతి చెందారు. గాయపడిన వారి పరిస్థితి విషమంగా ఉండటంతో హుటాహుటిన వారిని ఆలేరు ఆసుపత్రికి తరలించారు. మితిమీరిన వేగమే ప్రమాదానికి కారణమని తెలుస్తోంది. ప్రమాద ఘటనతో జనగామ-హైదరాబాద్‌ రహదారిపై కాసేపు ట్రాఫిక్‌ స్తంభించింది. పోలీసులు ఘటనాస్థలికి చేరుకుని ట్రాఫిక్‌ క్లియర్‌చేశారు. మృతులు భువనగిరి మండలం రాయిగిరి వాసులు అంకర్ల లక్ష్మి, అంకర్ల కవిత, కూలీలను తీసుకొచ్చిన ఆటో డ్రైవర్‌ ఊరేళ్ల శ్యామ్‌గా గుర్తించారు.