Bhupalapally: తండ్రిని చంపేసి.. మూడు రోజులు ఇంట్లోనే దాచి.. ఆపై..

భూపాలపల్లి రూరల్‌: జయశంకర్‌ భూపాలపల్లి జిల్లా దూదేకులపల్లిలో భూ తగాదాలతో తండ్రిని కుమారుడు హతమార్చాడు. ఈ నెల 16న ధనుంజయ్‌ తన తండ్రి తిరుపతిని కర్రతో దాడి చేసి హత్య చేశాడు. 3 రోజుల పాటు తండ్రి మృతదేహాన్ని ఇంట్లోనే దాచి ఉంచాడు. తండ్రి కనిపించడం లేదంటూ 3 రోజులు ఊరు మొత్తం తిరిగాడు.

శనివారం రాత్రి తండ్రి మృతదేహాన్ని కుమారుడు చెరువులో పడేశాడు. అక్కడ నుంచి వస్తుండగా పెట్రోల్‌ అయిపోవడంతో బైక్‌ ఆగిపోయింది. ధనుంజయ్‌ వద్ద కుళ్లిన వాసన రావడంతో గ్రామస్థులు అతడిని నిలదీశారు. దీంతో తన తండ్రిని హత్య చేసినట్లు ధనుంజయ్‌ అంగీకరించాడు. పోలీసులు నిందితుడిని అరెస్ట్‌ చేసి కేసు నమోదు చేశారు.