Karvy Stock Broking case: కార్వీ స్టాక్ బ్రోకింగ్ కేసులో మరో వ్యక్తి అరెస్టు
కార్వీ స్టాక్ బ్రోకింగ్ కేసు వ్యవహారంలో హైదరాబాద్ సీసీఎస్ పోలీసుల దర్యాప్తు కొనసాగుతోంది. కార్వీ స్టాక్ బ్రోకింగ్ లిమిటెడ్ వైస్ ప్రెసిడెంట్ శ్రీకృష్ణను సీసీఎస్ పోలీసులు అరెస్ట్ చేశారు. నిబంధనలకు విరుద్ధంగా పెట్టుబడిదారుల షేర్లను 9 డొల్ల కంపెనీలకు శ్రీకృష్ణ మళ్లించినట్లు సీసీఎస్ పోలీసుల దర్యాప్తులో తేలింది....
హైదరాబాద్: కార్వీ స్టాక్ బ్రోకింగ్ కేసు వ్యవహారంలో హైదరాబాద్ సీసీఎస్ పోలీసుల దర్యాప్తు కొనసాగుతోంది. కార్వీ స్టాక్ బ్రోకింగ్ లిమిటెడ్ వైస్ ప్రెసిడెంట్ శ్రీకృష్ణను సీసీఎస్ పోలీసులు అరెస్ట్ చేశారు. నిబంధనలకు విరుద్ధంగా పెట్టుబడిదారుల షేర్లను 9 డొల్ల కంపెనీలకు శ్రీకృష్ణ మళ్లించినట్లు సీసీఎస్ పోలీసుల దర్యాప్తులో తేలింది. సెబీకి సమాచారం ఇవ్వకుండా షేర్లను బ్యాంకుల్లో తనఖా పెట్టి దాదాపు రూ.1,500 కోట్లను కార్వీ స్టాక్ బ్రోకింగ్ లిమిటెడ్ రుణంగా తీసుకుంది. బ్యాంకు నుంచి తీసుకున్న రుణాలను వైస్ ప్రెసిడెంట్ శ్రీకృష్ణ 9 డొల్ల కంపెనీలకు మళ్లించారు. పెట్టుబడిదారులకు నష్టం చేకూర్చే విధంగా శ్రీకృష్ణ వ్యవహరించడంతో పాటు బ్యాంకుల నుంచి తీసుకున్న రుణాలను నిబంధనలకు విరుద్ధంగా దారి మళ్లించినట్లు సీసీఎస్ పోలీసులు గుర్తించారు. ఈ మేరకు శ్రీకృష్ణను అరెస్ట్ చేసి రిమాండ్కు తరలించారు.
ఈ కేసులో ఇప్పటికే సీసీఎస్ పోలీసులు సంస్థ ఛైర్మన్ పార్థసారథి, సీఈఓ కృష్ణహరి, సీఓఓ రాజీవ్ సింగ్తో పాటు కంపెనీ సెక్రటరీ శైలజను అరెస్ట్ చేశారు. కార్వీ స్టాక్ బ్రోకింగ్ లిమిటెడ్పై హైదరాబాద్ సీసీఎస్లోనే మరో కేసు నమోదైంది. హెచ్డీఎఫ్సీ బ్యాంకు నుంచి రూ.350 కోట్ల రుణం తీసుకొని తిరిగి చెల్లించలేదు. దీంతో బ్యాంకు ప్రతినిధుల ఫిర్యాదు మేరకు కేసు నమోదు చేశారు. ఐసీఐసీఐ బ్యాంకు నుంచి రూ.550 కోట్లు రుణం తీసుకొని తిరిగి చెల్లించకపోవడంతో గచ్చిబౌలి పీఎస్ లోనూ కేసు నమోదైంది. మనీలాండరింగ్ కింద కేసు నమోదు చేసిన ఈడీ అధికారులు కార్వీ స్టాక్ బ్రోకింగ్ లిమిటెడ్ మోసాలపై దర్యాప్తు చేస్తున్నారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (27/04/24)
-
విరాట్ - హార్దిక్కు నో ఛాన్స్.. ఈ లఖ్నవూ స్టార్కు ప్లేస్: భారత మాజీ క్రికెటర్
-
ఏడాదికి ‘రెండు సార్లు’ సీబీఎస్ఈ బోర్డు పరీక్షలు.. 2025 నుంచే!
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
-
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?
-
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్