Hyderabad News: యువతులను మోసం చేసిన చర్చి పాస్టర్‌ అరెస్టు

హైదరాబాద్: అమాయక యువతుల బలహీనతను ఆసరాగా చేసుకొని మోసాలకు పాల్పడుతున్న ఓ చర్చి పాస్టర్‌ను రాచకొండ పోలీసులు అరెస్టు చేశారు. వివరాల్లోకి వెళితే.. హైదరాబాద్ ఉప్పల్‌లోని ఓ చర్చికి పాస్టర్‌గా వ్యవహరిస్తున్న జోసఫ్‌ చర్చికి వచ్చే యువతులను లక్ష్యంగా చేసుకున్నాడు. వారికి మాయమాటలు చెప్పి ఒకరికి తెలియకుండా మరొకరిని.. అలా ముగ్గురు యువతలను చర్చిలోనే పెళ్లి చేసుకున్నాడు. అతడు ఈ మధ్య కాలంలో లైంగిక దాడులకు దిగడంతో పాటు బెదిరింపులకు సైతం పాల్పడుతున్నాడు. అతని ప్రవర్తనతో మోసపోయామని గ్రహించిన యువతులు రాచకొండ పోలీసులను ఆశ్రయించారు. యువతుల ఫిర్యాదు మేరకు కేసు నమోదు చేసి పాస్టర్‌ను రిమాండ్‌కు తరలించినట్లు మేడిపల్లి సీఐ అంజిరెడ్డి తెలిపారు.