సమగ్ర యాజమాన్య పద్ధతులతో అధిక దిగుబడులు

మాట్లాడుతున్న వీరబాబు

పిడుగురాళ్ల, న్యూస్‌టుడే: మిరపలో సమగ్ర యాజమాన్య పద్ధతులతో దిగుబడులు పెంచుకోవచ్చని విజయవాడ శాస్త్రవేత్తలు డాక్టరు వీరబాబు, ప్రేమ రంజిత చెప్పారు. మిరపలో సమగ్ర సస్యరక్షణ చర్యలపై బుధవారం గుత్తికొండలో రైతులకు అవగాహన కల్పించారు. వారు మాట్లాడుతూ మిరపపంటపై తామర పురుగుతో రైతులు నష్టపోయారని, సుస్థిర వ్యవసాయం చేయాలంటే నేల సారవంతాన్ని పదిలంగా ఉంచుకోవాలని సూచించారు. చీడపీడల నుంచి సమగ్ర యాజమాన్యం పద్ధతులు ఆచరించాలని తెలిపారు. కార్యక్రమంలో డాక్టర్‌ దక్షిణామూర్తి, ఉద్యానవనశాఖ గుంటూరు ఉపసంచాలకులు సుజాత, సంచాలకులు బెన్ని, పిడుగురాళ్ల ఉద్యానవన అధికారి వై.మోహన్‌ తదితరులు పాల్గొన్నారు.