క్రీడా ప్రాంగణంలో కాంగ్రెస్ ఎంపీ అభ్యర్థి ఎన్నికల ప్రచారం

ఆదిలాబాద్ క్రీడావిభాగం: జిల్లా కేంద్రంలోని ఇందిరా ప్రియదర్శిని క్రీడా ప్రాంగణంలో బుధవారం కాంగ్రెస్ పార్టీ ఎంపీ అభ్యర్థి ఆత్రం సుగుణ ఎన్నికల ప్రచారం నిర్వహించారు. ఉదయపు నడక సాధకులను కలిశారు. వ్యాయామ, యోగా సాధకులతో మాట్లాడారు. రానున్న లోక్ సభ ఎన్నికల్లో హస్తం  గుర్తుకు ఓటు వేసి తనను గెలిపించాలని ఓటర్లను అభ్యర్థించారు. పార్లమెంటుకు పంపిస్తే ప్రజల తరఫున చట్ట సభలో తన వాణి వినిపిస్తానని స్పష్టం చేశారు. ఒక్కసారి తనకు అవకాశం ఇవ్వాలని కోరారు.  ఆమె వెంట  కాంగ్రెస్ పార్టీ ఆదిలాబాద్ నియోజకవర్గ ఇన్‌ఛార్జి కంది శ్రీనివాస్ రెడ్డి, నాయకులు, కార్యకర్తలు ఉన్నారు.