రోడ్డు ప్రమాదంలో ఇద్దరికి తీవ్ర గాయాలు

ఇచ్చోడ: రోడ్డు ప్రమాదంలో ఇద్దరు తీవ్రంగా  గాయపడ్డారు. శనివారం తెల్లవారుజామున ఈ ఘటన ఇచ్చోడ మండలం సాత్ నంబర్ వద్ద జాతీయ రహదారిపై జరిగింది. స్థానికులు తెలిపిన వివరాల ప్రకారం..  ఇచ్చోడ మండలం  సాత్‌ నంబరు వద్ద  రహదారి పక్కన ఆగి ఉన్న లారీని జబల్పూర్ నుంచి హైదరాబాద్ వైపునకు మామిడి పండ్ల లోడుతో వెళ్తున్న వ్యాన్  ఢీకొట్టింది. ఈ ప్రమాదంలో  సౌరబ్, ఫుల్ సింగ్ అనే ఇద్దరు వ్యక్తులు తీవ్రంగా గాయపడ్డారు.   గమనించిన స్థానికులు పోలీసులకు సమాచారం అందించారు. ఘటనాస్థలికి చేరుకున్న పోలీసులు వ్యాన్‌ ముందు భాగం క్యాబిన్‌లో ఇరుక్కుపోయిన వారిద్దరిని బయటకు తీశారు.  108 వాహనంలో ఆదిలాబాద్ రిమ్స్‌కు తరలించి చికిత్స అందిస్తున్నారు.